ភ្នំពេញ៖ ប្រទេសកម្ពុជាបានបង្ហាញនូវបទពិសោធថ្មី នៃការតភ្ជាប់បណ្តាញអ៊ិនធឺណិតបច្ចេកវិទ្យាជំនាន់ចុងក្រោយបង្អស់សម្រាប់ទូរស័ព្ទចល័ត ស្របពេលដែល Yes Seatel ឬត្រូវបានគេស្គាល់ច្បាស់ថាជា Yes 018 បានរៀបចំពិធីសាកល្បងបច្ចេកវិទ្យា 5G របស់ខ្លួននៅថ្ងៃទី១៩ ខែកុម្ភៈ ឆ្នាំ២០២០ ដោយរំពឹងទុកថានឹងដាក់ឱ្យប្រើប្រាស់នូវប្រព័ន្ធសេវា Yes 5G ជាផ្លូវការនៅក្នុងឆ្នាំនេះ។

Yes 018 មានបណ្តាញ 4G ១០០% ដែលគ្របដណ្តប់ចំនួនប្រជាជនជាង ៩០% នៅក្នុងប្រទេសកម្ពុជា។ ស្ថានីយ 4G ទាំងអស់របស់យើងត្រូវបានបំពាក់ដោយបណ្តាញខ្សែកាបអុបទិកក្រោមដីជាង ១២,០០០ គីឡូម៉ែត្រនៅទូទាំងប្រទេស។ ជាមួយនឹងហេដ្ឋារចនាសម្ព័ន្ធបណ្តាញបែបនេះ Yes018 ត្រៀមខ្លួនរួចរាល់ក្នុងការផ្លាស់ប្តូរទៅប្រព័ន្ធសេវា 5G ។

នៅក្នុងអំឡុងពេលសាកល្បងជាក់ស្តែង ប្រព័ន្ធ​​សេវា​ 5G ជាបច្ចេកវិទ្យាក្នុងការតភ្ជាប់ដ៏ងាយស្រួល ផ្តល់នូវល្បឿនលឿនជាងប្រព័ន្ធសេវា 4G ១០ដង និងមានប្រព័ន្ធតភ្ជាប់សេវាអ៊ិនធឺណិតដ៏គួរឱ្យទុកចិត្តទៅនឹងទូរស័ព្ទស្មាតហ្វូន និងឧបករណ៍អេឡិចត្រូនិកផ្សេងទៀត ជាមួយល្បឿនដ៏លឿនក្នុងការទាញយកទិន្នន័យជាមធ្យមគឺ 1GB។

ពិធីសាកល្បងបច្ចេកវិទ្យា 5G

នៅពេលដែលប្រព័ន្ធសេវា Yes 5G ត្រូវបានដាក់ឱ្យដំណើរការជាផ្លូវការ វានឹងជាការបើកឱកាសថ្មីសម្រាប់ការកែលម្អវិស័យអប់រំ កសិកម្ម និងឧស្សាហូបនីយកម្ម ដែលជាសសរគ្រឹះសំខាន់ទាំងបីសម្រាប់ប្រទេសកម្ពុជា។ យោងតាម GSMA បច្ចេកវិទ្យា 5G នឹងជំរុញកំណើនផលិតផលក្នុងស្រុកសរុប ៤,៨% សម្រាប់ប្រទេស។ បច្ចេកវិទ្យា 5G នឹងផ្លាស់ប្តូរពិភពលោកដែលយើងកំពុងរស់នៅនេះតាមរយៈបច្ចេកវិទ្យា AI Robotics, Drones, IoT, and បច្ចេកវិទ្យាSmart Cities។

ពិធីសាកល្បងបច្ចេកវិទ្យា 5G នេះ បានរៀបចំឡើងក្រោមអធិបតីភាពដ៏ខ្ពង់ខ្ពស់របស់ឯកឧត្តម ត្រាំ អ៊ីវតឹក រដ្ឋមន្រ្តីក្រសួងប្រៃសណីយ៍ និងទូរគមនាគមន៍។ នៅក្នុងសុន្ទរកថារបស់ឯកឧត្តមរដ្ឋមន្រ្តី ឯកឧត្តមបានបង្ហាញនូវទំនុកចិត្ត និងបានមានប្រសាសន៍ថា៖ 

  ឯកឧត្តម ត្រាំ អ៊ីវតឹក រដ្ឋមន្រ្តីក្រសួងប្រៃសណីយ៍ និងទូរគមនាគមន៍  

លោក យ៉ាវ យៀកជីន អគ្គនាយកក្រុមហ៊ុន Yes 018 បានមានប្រសាសន៍អំពីការពង្រីកបច្ចេកវិទ្យាឈានមុខគេ ហើយក្រុមការងារ Yes 018 មានសេចក្តីរំភើបដែលបានក្លាយជាផ្នែកមួយរួមចំណែកក្នុងការរីកចម្រើនរបស់ប្រទេស ខណៈដែលលោក ជេក តាន់ នាយកគ្រប់គ្រងពាណិជ្ជកម្ម Yes 018 បានកត់សម្គាល់ថា នឹងមានចំនួនតភ្ជាប់ប្រើប្រាស់ប្រព័ន្ធអ៊ិនធឺណិតតាមរយៈឧបករណ៍អេឡិចត្រូនិកគ្រប់ប្រភេទកាន់តែច្រើន ដែលនឹងផ្តល់នូវភាពងាយស្រួល និងភាពទំនើបទាន់សម័យដល់ការរស់នៅបែបសម័យថ្មី។

ពិធីសាកល្បងបច្ចេកវិទ្យា 5G
ពិធីសាកល្បងបច្ចេកវិទ្យា 5G
ពិធីសាកល្បងបច្ចេកវិទ្យា 5G

បន្ទាប់ពីការថ្លែងសុន្ទរកថារបស់គណៈអធិបតី ពិធីសាកល្បងបច្ចេកវិទ្យា 5G បានចាប់ផ្តើមដោយបង្ហាញពីការសាកល្បងល្បឿនអ៊ិនធឺណិត ដែលមានល្បឿនលឿនរហូតដល់​ 1,400 Mbps (1.4 Gbps)  និងការទាញយកវីដេអូទំហំ 1GB ចំនាយពេលត្រឹមតែ 10វិនាទី និងបន្ទាប់មកធ្វើការប្រៀបធៀបរវាងល្បឿនក្នុងការលេងហ្គេមតាមរយៈប្រព័ន្ធសេវា 4G និង5G និងភ្ជាប់ទៅនឹងឧបករណ៍អេឡិចត្រូនិក AR និងVR ផងដែរ។

ការរំលេចឡើងនៃការសាកល្បងបច្ចេកវិទ្យានេះ គឺជាការសាកល្បងយ៉ាងទូលំទូលាយតាមរយៈវីដេអូផ្សាយ​​ផ្ទាល់ 360˚ ដែលមានល្បឿនក្នុងការដាក់បញ្ចូល/ទាញយកទិន្នន័យគួរឱ្យចាប់អារម្មណ៍ supper latency បានយ៉ាងច្បាស់ល្អ គ្មានភាពរអាក់រអួល។

ជាមួយនឹងភាពជោគជ័យនៅក្នុងការសាកល្បងបច្ចេកវិទ្យានេះ Yes 018 ពេលនេះបានបើកទូលាយជូនសាធារណជនឱ្យមកសាកល្បងប្រព័ន្ធបច្ចេកវិទ្យា 5G របស់ខ្លួននៅការិយាល័យកណ្តាលរបស់ Yes 018

ដែលមានអាសយដ្ឋាននៅអគារលេខ #149 ផ្លូវលេខ 432 សង្កាត់បឹងត្របែក ខណ្ឌចំការមន រាជធានីភ្នំពេញ៕

ពិធីសាកល្បងបច្ចេកវិទ្យា 5G
ពិធីសាកល្បងបច្ចេកវិទ្យា 5G
ពិធីសាកល្បងបច្ចេកវិទ្យា 5G

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ