អាល្លឺម៉ង់៖ មនុស្ស ៨ នាក់បានស្លាប់និង ៥ នាក់ផ្សេងទៀតបានរបួស បន្ទាប់ពីខ្មាន់កាំភ្លើងបានបើកការបាញ់ប្រហារផ្ទួនៗ កាលពីវេលាម៉ោង ១០ យប់ក្នុងប្រទេសអាល្លឺម៉ង់។ យោងតាមក្រុមប៉ូលិសនៅក្នុងតំបន់នោះបានឱ្យដឹងថា ហេតុការបាញ់ប្រហារនេះបានកើតឡើងនៅក្នុងតំបន់ទីប្រជុំជននៃទីក្រុង Hanau ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រុមប៉ូលិសនៅក្នុងតំបន់នោះបានឱ្យដឹងទៀតថា ខ្មាន់កាំភ្លើងបានបើករថយន្តមកបាញ់សម្លាប់មនុស្ស ៣ នាក់នៅមុខបារ shisha ហើយបន្ទាប់មកខ្មាន់កាំភ្លើងនោះបានបើករថយន្តឆ្ពោះទៅបារ Arena & Cafe ហើយបានបាញ់សម្លាប់ជនរងគ្រោះបន្ថែម ៥នាក់ទៀត។
លោក Can-Luca Frisenna ដែលធ្វើការនៅកន្លែងកើតហេតុបាននិយាយថា៖
ឪពុកនិងបងប្អូនរបស់ខ្ញុំគឺកំពុងស្ថិតនៅកន្លែងកើតហេតុ ខណៈពេលការបាញ់ប្រហារបានកើតឡើង។ ហើយខ្ញុំរួមជាមួយនឹងគ្រួសារ ពិតជាមិនយល់សោះ ថាជនដៃដល់ធ្វើរឿងនេះក្នុងបំណងអ្វី។
គួរបញ្ជាក់ផងដែរថា ក្រុមប៉ូលីសកំពុងតាមស្វែងរកខ្មាន់កាំភ្លើង ដែលបានគេចខ្លួនពីកន្លែងកើតហេតុ ហើយក្នុងនោះដែរក្រុមប៉ូលីសក៏បានប្រើប្រាស់ឧទ្ធម្ភាគចក្រជាច្រើនគ្រឿង ដើម្បីល្បាតតាមកន្លែងកើតហេតុទាំងពីរ៕
សូមទស្សនាវីដេអូខាងក្រោម៖
Bong I.T