ប្រទេសកំពុងផ្ទុះឡើងនូវវីរុស Covid-19 បែរជានាំគ្នាលេងល្បែងស៊ីសង មានអី ប៉ូលិសតាមទាន់ ពិន័យឲ្យសែងតុល្បែងពេញផ្លូវ (មានវីដេអូ)

ចិន៖ ថ្មីៗនេះ ប៉ូលិសបានចុះទៅបង្ក្រាប អ្នកលេងល្បែងម៉ាជាំងមួយក្រុម មានគ្នាចំនួនបួននាក់ នៅទីប្រជុំជន Hexin ក្នុងទីក្រុង Chongqing។

យោងតាមវីដេអូឃ្លីបខ្លីមួយបានបង្ហាញឲ្យឃើញថា អ្នកលេងល្បែងម៉ាជាំងទាំងបួននាក់ ត្រូវបានពិន័យឲ្យសែងតុល្បែង ដោយដាក់លើស្មារបស់ពួកគេ ហើយដើរហែរលើផ្លូវសាធារណៈ ខណៈឡានប៉ូលិសកំពុងបើកតាមពីក្រោយ។ ទន្ទឹមនឹងនេះដែរ ក៏មានសំឡេងរបស់ប៉ូលិសម្នាក់ បានកងរំពងឡើងថា៖

ក្រោយពីវីដេអូខាងលើនេះ បង្ហោះទៅលើបណ្ដាញសង្គមចិន Weibo រួចមក មានមហាជនមួយចំនួនតូច បានបង្ហាញពីភាពមិនពេញចិត្តចំពោះការពិន័យនេះ ហើយបុគ្គលិករដ្ឋាភិបាលម្នាក់ក៏បានចេញមុខបកស្រាយដែរថា នេះជាការពិន័យ ដើម្បីទប់ស្កាត់ការរីករាលដាលនៃវីរុស Covid-19។ ចំពោះការពិន័យនេះ វាប្រសើរជាជាងករណីកាលពីប៉ុន្មានថ្ងៃមុន មានប៉ូលិសចុះទៅបង្ក្រាបដោយប្រើញញួរ កម្ទេចតុល្បែងម៉ាជាំង៕

សូមទស្សនារូបភាពនិងវីដេអូខាងក្រោម៖