កម្រណាស់! លើកទី១ តារាហង្សមាសថ្មីចាស់ ជិត១០០នាក់ច្រៀងរួមគ្នា អមសិល្បៈបុរាណ ពីរោះរំភើបខ្លាំង! (មានវីដេអូ)

ភ្នំពេញ៖ កាលពីម្សិលមិញនេះ ផលិតកម្មយក្សប្រចាំប្រទេសកម្ពុជា រស្មីហង្សមាស បានប្រារព្ធធ្វើនូវពិធីបើកសម្ពោធ អាគារស្ទូឌីយូភ្លោះថ្មីរបស់ខ្លួន ដែលមានវត្តមានភ្ញៀវកិត្តិយសចូលរួម សុទ្ធសឹងតែគណៈអធិបតេយ្យ ក្រុមការងារគ្រប់ជាន់ថ្នាក់ ក៏ដូចជាវត្តមានតារាហង្សមាសប្រុសស្រីទាំងអស់ មកជួបជុំគ្នាផងដែរ។

មិនតែប៉ុណ្ណោះ អ្វីដែលកាន់តែចាប់អារម្មណ៍ជាងនេះទៅទៀតនោះ អាចនិយាយបានថានេះគឺជាលើកទី១ហើយ ដែលមហាជនបានឃើញតារាចម្រៀង ប្រុសស្រីថ្មីចាស់ទាំងអស់ប្រចាំផលិតកម្មហង្សមាស បានរួមគ្នាច្រៀងចម្រៀងដ៏មានអត្ថន័យ មួយបទចំណងជើងថា «គ្រួសារហង្សមាស»​ យ៉ាងពីរោះរណ្តំពោរពេញទៅដោយក្តីរំភើបផងដែរ។

លើសពីនេះទៅទៀត ការសម្តែងមួយនេះ ថែមទាំងមានបូករួមបញ្ចូលជាមួយនឹង ការសម្តែងរបាំបុរាណខ្មែរ អមទន្ទឹមជាមួយនឹងបទចម្រៀង ដែលធ្វើឲ្យការសម្តែងមួយនេះ កាន់តែមានភាពអស្ចារ្យថែមមួយកម្រិតទៀតផងដែរ៕

ដូចនេះកុំឲ្យខាតពេលយូរ ចង់ដឹងថាពិរោះយ៉ាងណាតាមដានវីដេអូខាងក្រោម៖