បុគ្គលិកម្នាក់ធ្វើការឲ្យហាង Wendy's នៅតំបន់ Greenville ក្នុងសហរដ្ឋអាមេរិកត្រូវបានគេបណ្តេញ ចេញពី ការងារបន្ទាប់ពីវីដេអូមួយត្រូវបានគេបង្ហោះជាសាធារណៈ។ ក្នុងវីឌីអូនោះ បានបង្ហាញថាគាត់កំពុងងូតទឹកនៅអាងលាងចាន និងលាងសំភារៈរបស់ហាង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឃ្លីបនេះត្រូវបានគេបង្ហោះនៅលើ TikTok ហើយវាត្រូវគេចូលមើលរាប់ពាន់ដង មុនពេលត្រូវបានចែកចាយបន្តយ៉ាងសន្ធឹកសន្ធាប់នៅលើប្រព័ន្ធផ្សព្វផ្សាយសង្គមផ្សេងទៀត។
វីឌីអូនោះបង្ហាញពីកម្លោះជំទង់ម្នាក់កំពុងអង្គុយងូតទឹកដុសខ្លួននឹងសាប៊ូ នៅក្នុងអាងលាងចានយ៉ាងរីករាយ ខណៈដែលមនុស្សម្នាក់ទៀតបោះកំណាត់ចូលទៅក្នុងទឹកហើយប្រាប់គាត់ថា ដុសក្អែលចេញផង។
កម្លោះជំទង់នោះដុសទ្រូង សើច ហើយនិយាយថា៖ «ស្រួលខ្លួនណាស់! ដូចបានងូតក្នុងអាងទឹកក្តៅ។ ខ្ញុំចូលចិត្តជីវិតបែបនេះណាស់ចៅហ្វាយអើយ»។
តាមរយៈរូបភាព និងវីឌីអូ គេអាចសន្មតថាកម្លោះជំទង់នោះស្ថិតក្នុងសភាពអាក្រាតកាយ។ សូមទស្សនាវីដេអូខាងក្រោម៖