បរទេស៖ អតីតខ្សែបម្រើឆ្នើមរបស់ក្លិបយក្សអេស្ប៉ាញ Real Madrid លោក Luis Figo បានបង្ហាញចំណាប់អារម្មណ៍ផ្ទាល់ខ្លួនរបស់លោកថា កីឡាករ Kylian Mbappe អាចនឹងក្លាយជាកីឡាករដែលល្អបំផុតសម្រាប់អតីតក្លិបរបស់លោកក្នុងការនាំចូល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធជម្រើសជាតិបារាំង Mbappe ត្រូវបាន Real Madrid ចាប់អារម្មណ៍តាំងពីពេលមុនរូបគេចាកចេញពី Monaco ទៅចូលរួមជាមួយក្លិបអ្នកមានបារាំង Paris Saint-Germain កាលពីរដូវក្ដៅឆ្នាំ២០១៧ ទៅទៀត។ ជាមួយគ្នានេះផងដែរ នៅមួយរយៈចុងក្រោយនេះគេសង្កេតឃើញថាក្លិបជើងឯក Champions League ១៣សម័យកាលបានដាក់ចាប់អារម្មណ៍ទៅលើ Mbappe ជាថ្មីទៀតហើយ។
កីឡាករដែលប្រកបអាជីពជាមួយក្លិបមានមូលដ្ឋាននៅរាជធានីរបស់ប្រទេសអេស្ប៉ាញចន្លោះឆ្នាំ ២០០០-២០០៥ Figo បានថ្លែងប្រាប់សារព័ត៌មាន RMC ដោយបង្ហាញពីការគិតរបស់លោកថាខ្សែប្រយុទ្ធវ័យក្មេង Mbappe នឹងជាកីឡាករមួយរូបដែល Real Madrid មិនស្ដាយលុយក្នុងការទិញយករូបគេមកកាន់កីឡដ្ឋាន Santiago Bernabeu នោះទេ។
ប្រភព៖ FoxSportsAsia