ថៃ៖ បុរសម្នាក់ដែលត្រូវបានចោទប្រកាន់ថាបានបាញ់សម្លាប់អតីតប្រពន្ធរបស់ខ្លួន និងបណ្តាលឱ្យស្ត្រីម្នាក់ទៀតរងរបួសនៅគ្លីនិកកែសម្ផស្សមួយកន្លែងនៅខាងផ្សារទំនើបក្នុងទីក្រុងបាងកកកាលពីថ្ងៃអង្គារត្រូវបានចាប់ខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សDanusorn Numcharoen អាយុ ២៨ ឆ្នាំត្រូវបានចាប់ខ្លួននៅវេលាម៉ោង ៤:៣០ នាទីព្រឹកថ្ងៃពុធ នៅឃុំ Huay Mae Phiang ស្រុក Kaeng Krachan ខេត្ត Phetchaburi ដោយប៉ូលីស Phayathai និង Metropolitan Division 1 ក្រោមដីការបស់តុលាការ។
គួរបញ្ជាក់ថា កាលពីរសៀលថ្ងៃអង្គារមានបុរសម្នាក់បានដើរចូលទៅក្នុងគ្លីនិក Icon នៅជាន់ទី ៤ នៃរោងភាពយន្តសេនធ័រផ្លាហ្សា ហើយបានបាញ់សម្លាប់ស្រីម្នាក់ឈ្មោះ Piyanut Chatthai អាយុ ២៨ ឆ្នាំជាបុគ្គលិកក្នងគ្លីនិកនោះផ្ទាល់។ ជនបង្កបានបើកការបាញ់ដោយប្រើកាំភ្លើងខ្លី និងវាយទៅលើ Piyanut នៅលើក្បាល និងដងខ្លួនយ៉ាងដំណំ។
ជនរងគ្រោះម្នាក់ទៀតភេទស្រីឈ្មោះ Wilasinee Teepan អាយុ ២៩ ឆ្នាំក៏ត្រូវបានវាយ និងរងរបួសធ្ងន់ផងដែរនៅក្នុងការវាយប្រហារនេះ។ ជនបង្កត្រូវបាននាំខ្លួនទៅទីក្រុងបាងកកដើម្បីចាត់ការតាមច្បាប់។ ជនបង្ករូបនេះត្រូវបានចោទប្រកាន់ពីបទឃាតកម្មគិតទុកជាមុន ជាពិសេសកាន់កាប់អាវុធដោយគ្មានការអនុញ្ញាត និងប្រើប្រាស់អាវុធនៅទីសាធារណៈដោយគ្មានហេតុផល។
ប្រព័ន្ធផ្សព្វផ្សាយថៃបានរាយការណ៍ថា ជនសង្ស័យបានទុកលិខិតសរសេរដោយដៃចំនួន ៤ ច្បាប់ នៅក្នុងបន្ទប់របស់គាត់នៅទីក្រុងបាងកក។ ក្នុងសំបុត្រមួយនោះ គាត់បានប្រាប់ប៉ូលីសកុំឲ្យតាមចាប់គាត់។ គាត់បានសន្យាថាគាត់នឹងមិនបាញ់អ្នកណាទៀតនោះទេ ប៉ុន្តែគាត់ចង់ផ្តាច់យកជីវិតមនុស្សម្នាក់ទៀត ម្នាក់នោះគឺគូស្នេហ៍របស់អតីតប្រពន្ធរបស់គាត់។
គាត់ផ្តាំសុំទោសទៅអ្នករាល់គ្នាហើយលោកបានសន្យាថា លោកនឹងបញ្ចប់ជីវិតខ្លួនឯងក្នុងរយៈពេល ២ ថ្ងៃទៀត។ គាត់បានអំពាវនាវឱ្យប៉ូលីសថែរក្សាម្តាយរបស់គាត់ផង៕