ភ្នំពេញ៖ តារាប្រុសលោក ម៉ានិត ជាតារាចម្រៀងមួយរូបដែលមានសមត្ថភាពខ្ពស់ ដែលអាចនិពន្ធបទភ្លេង និងទំនុកច្រៀងបានដោយខ្លួនឯង ហើយរាល់បទចម្រៀងនីមួយៗសុទ្ធតែទទួលបានការគាំទ្រច្រើនពីហ្វេនៗតាមរយៈបទចម្រៀងពីរោះជាច្រើនដូចជាបទ «មាននាងក៏ធុញ គ្មាននាងក៏ធុញ» «មិត្តចេះប្រចណ្ឌ» «ពេលបងបិទភ្នែក» ជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះដែរ ក្រៅពីការងារជាអ្នកចម្រៀង ម៉ានិត ក៏ជាអ្នកនិពន្ធសៀវភៅរឿងប្រលោម ដែលកន្លងមកលោកបានជោគជ័យជាមួយសៀវភៅរឿងរបស់លោកជាច្រើនដូចជារឿង បេសកកម្មមួយ (One Mission) និងផ្ទះកណ្ដាលបឹងជាដើម មិនត្រឹមតែប៉ុណ្ណោះក៏មានការចាប់អារម្មណ៍ខ្លាំងពីយុវវ័យ និងអ្នកចូលចិត្តអានសៀវភៅផងដែរ។
ទន្ទឹមនឹងនេះដែរ បន្ទាប់ពីទទួលបានការគាំទ្រច្រើនពីហាងស្រលាញ់សៀវភៅ ពេលនេះតារាចម្រៀងដែលមានទេពកោសល្យរូបនេះបានបើកហាងស្រលាញ់សៀវភៅមួយកន្លែង ស្របពេលដែលពេលនេះលោកមិនសូវបង្ហាញស្នាដៃថ្មី ក្នុងបទចម្រៀងផ្សេងៗនោះទេ។
តែទោះជាយ៉ាងណាក្តី នៅក្នុងថ្ងៃពិសេសការបង្ហាញហាងថ្មីរបស់លោក ក៏មានហ្វេនជាច្រើនពិតជាពេញចិត្តខ្លាំង ព្រោះ ហាងមួយនេះលក់តែសៀវភៅសរសេរជាអក្សរខ្មែរ និងនិពន្ធដោយអ្នកនិពន្ធខ្មែរប៉ុណ្ណោះ៕
ទស្សនារូបភាពខាងក្រោម៖