ជប៉ុន៖ ចោរនៅក្នុងប្រទេសជប៉ុនបានលួចម៉ាស់ពេទ្យចំនួន ៦០០០ ពីមន្ទីរពេទ្យ ដោយប្រទេសនេះកំពុងប្រឈម នឹងកង្វះខាតខ្លាំង និងការឡើងថ្លៃយ៉ាងច្រើនតាមអ៊ិនធឺរណែតដោយសារជំងឺដែលបង្កដោយវីរុស COVID-19។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមន្រ្តីមន្ទីរពេទ្យមួយរូបបាននិយាយនៅថ្ងៃអង្គារទី ១៧ ខែកុម្ភៈនេះថា ប្រអប់ដាក់ម៉ាស់ពេទ្យចំនួន ៤ ត្រូវបានបាត់ពី កន្លែងស្តុកទុកមួយនៅមន្ទីរពេទ្យកាកបាទក្រហមជប៉ុនក្នុងកំពង់ផែភាគខាងលិចនៃទីក្រុងកូបេ។
មន្ត្រីរូបនោះបានប្រាប់ AFP ថា៖ «យើងនៅតែមានម៉ាស់ពេទ្យមួយចំនួនធំ គ្រប់គ្រាន់ដើម្បីបន្តប្រតិបត្តិការ ប្រចាំថ្ងៃ របស់យើងនៅមន្ទីរពេទ្យ ប៉ុន្តែទង្វើបែបនេះពិតជាគួរឱ្យស្អប់ខ្ពើមណាស់»។
ប៉ូលីសបានបើកការស៊ើបអង្កេតមួយ ខណៈពួកគេសង្ស័យថាចោរមានបំណងលួចម៉ាស់ពេទ្យ ទាំងនោះយក ទៅលក់បន្ត។ ម៉ាស់បានលក់អស់នៅតាមហាងលក់ថ្នាំ និងហាងផ្សេងជាច្រើនទៀតនៅទូទាំងប្រទេស ដោយសារចំនួននៃការឆ្លងបានកើនឡើងនៅក្នុងប្រទេសជប៉ុន ដែលជាប្រទេសមួយក្នុងចំណោមប្រទេស ដែលរងផលប៉ះពាល់ខ្លាំងបំផុតបន្ទាប់ពីប្រទេសចិនដែលចំនួនអ្នកស្លាប់ដោយសារវីរុសបានកើនឡើងដល់ ១.៨០០ នាក់។
ការបង្កភាពព្រួយបារម្ភជាសាធារណៈនេះក៏ត្រូវបានកើតឡើងកាន់តែខ្លាំងបន្ទាប់ ដោយមានមនុស្ស រាប់រយនាក់បានឆ្លងវីរុសនេះនៅលើនាវាមួយដែលនៅដាច់ឆ្ងាយពីប្រទេសជប៉ុន។
លោក Yoshihide Suga លេខាធិការខុទ្ទកាល័យគណៈរដ្ឋមន្ត្រីបានប្រាប់ក្រុមអ្នកយក ព័ត៌មានកាលពី សប្តាហ៍មុនថា រដ្ឋាភិបាលជប៉ុនបានស្នើសុំយ៉ាងខ្លាំងដល់អ្នកផលិតម៉ាស់ដើម្បីបង្កើនចំនួនផលិត៕