រដ្ឋមន្ត្រីក្រសួងអប់រំវ័យក្មេងរបស់ម៉ាលេស៊ី លោក Syed Saddiq កើតនៅថ្ងៃទី ៦ ខែធ្នូ ឆ្នាំ ១៩៩២ នៅទីក្រុង Pulai, Johor Bahru, Johor ប្រទេសម៉ាឡេស៊ី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឪពុករបស់លោកគឺជាជនជាតិសិង្ហបូរី ហើយជាអ្នកជ្រើសរើសពលករចូលទៅធ្វើការនៅប្រទេសនេះ។ ម្តាយរបស់លោក គឺជាគ្រូបង្រៀនភាសាអង់គ្លេស។
លោក សាយេដ អាប់ឌុលរ៉ាម៉ាន់ (Syed Saddiq) បានសិក្សានៅមហាវិទ្យាល័យយោធា មុនពេលបន្តការសិក្សា នៅមហាវិទ្យាល័យ អ៊ីស្លាម អន្តរជាតិអ៊ីស្លាមម៉ាឡេស៊ី(IIUM)។ ហើយក្នុងកំឡុងពេលនោះលោកបានប្រកួតប្រជែង តស៊ូមតិក្នុងកម្រិតអាស៊ី និងបានឈ្នះពានរង្វាន់ជើងឯកអាស៊ីក្នុងការប្រកួតប្រជែងដោយជោគជ័យ។
នៅឆ្នាំ ២០១៧ លោកបានសម្រេចចិត្តចោលអាហារូបករណ៍ នៅសាកលវិទ្យាល័យ Oxford ប្រទេសអង់គ្លេស ដើម្បីបានឳកាសបន្តធ្វើនយោបាយ។
មួយឆ្នាំក្រោយមក បន្ទាប់ពីត្រូវបានជ្រើសរើសជាសមាជិកសភានៅអាយុ ២៥ឆ្នាំ លោក Syed Saddiq បានសម្រេចចិត្តចោលអាហារូបករណ៍ Chevening នៅសាកលវិទ្យាល័យ Oxford ម្តងទៀត ដោយសារតែ លោកបានប្រឡូកក្នុងឆាកនយោបាយជ្រៅទៅហើយនោះ។
ទាក់ទងទៅនឹងផ្នែកនយោបាយវិញ លោក Syed Saddiq គឺជាមេដឹកនាំរបស់ Armada; ស្លាបយុវជននៃ BERSATU ។ ហើយលោកក៍ជាអ្នកនាំពាក្យនៅក្នុងគណបក្សចាប់តាំងពី ខែ កញ្ញា ឆ្នាំ២០១៦ ហើយលោកត្រូវបានគេចាត់ទុកថា ជាសមាជិកស្ថាបនិកមួយរូបដែលដែលមានសមត្ថភាពក្នុងក្រុមប្រឹក្សាគណបក្សមួយនេះ។
លោក Syed Saddiq បានឈរឈ្មោះក្នុងការបោះឆ្នោតថ្នាក់ជាតិនៅឆ្នាំ ២០១៨ សម្រាប់អាសនៈសភា (Muar)។ ហើយនៅក្នុងវ័យ២៦ឆ្នាំ លោក Syed Saddiq បានក្លាយជារដ្ឋមន្រ្តីក្រសួងយុវជន និងកីឡារបស់ម៉ាលេស៊ីផងដែរ រហូតមកដល់ពេលបច្ចុប្បន្ននេះ៕