លោក Robbie Fowler អតីតកីឡាករ និងជាវីរបុរសរបស់ក្លឹប Liverpool បង្ហើបពីបំណងចង់មកដឹកនាំក្លឹបនៅក្នុងក្របខណ្ឌ Premier League ខណៈដែលបច្ចុប្បន្នរូបលោកកំពុងដឹកនាំក្លឹប Brisbane Roar ដោយឈរនៅចំណាច់ថ្នាក់ទី៦ បណ្តោះអាសន្នក្នុងក្របខណ្ឌលីគកំពូលអូស្រ្តាលី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអតីតខ្សែប្រយុទ្ធជម្រើសជាតិអង់គ្លេស វ័យ ៤៤ឆ្នាំ រូបនេះ បានបញ្ជាក់ពីគោលជំហរក្នុងការចាប់ឱកាសមកដឹកនាំក្លឹបនៅ Premier League និងគ្រោងនាំយកជំនួយការរបស់លោក គឺលោក Tony Grant មកចូលរួមក្នុងក្រុមគ្រូបង្វឹករបស់លោកផងដែរ។
កីឡាករដែលផ្តើមអាជីពចេញពីយុវជនរបស់ Liverpool រូបនេះ រកគ្រាប់បាល់ឱ្យ Liverpool បានចំនួន ១៨៣គ្រាប់ ក្នុងចំណោម ៣៦៩ប្រកួត ពីឆ្នាំ១៩៩៣ ដល់ឆ្នាំ២០០២ និងពីឆ្នាំ២០០៥ ដល់ឆ្នាំ២០០៧ ក្រោយមកបានផ្លាស់មកលេងនៅទឹកដីអូស្រ្តាលី ២រដូវកាល និងឈានជើងមកបញ្ចប់អាជីពក្នុងទឹកដីនៃប្រទេសអាស៊ីអាគ្នេយ៍ជាមួយក្លឹប Muangthong United របស់លីគកំពូលថៃ នៅឆ្នាំ២០១១៕
ប្រភព៖ The Mirror