ចិន៖ ផ្ទុះការភ្ញាក់ផ្អើល ដោយនៅព្រឹកថ្ងៃអង្គារទី១៨ ខែកុម្ភៈនេះ ប្រធានមន្ទីរពេទ្យម្នាក់ ប្រចាំទីក្រុង Wuhan បានស្លាប់បាត់បង់ជីវិតហើយ ដោយសារតែឆ្លងវីរុសកូរ៉ូណា ឬCovid-19។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនេះបើតាមយោងតាមការចុះផ្សាយជាផ្លូវការ របស់ទូរទស្សន៍រដ្ឋស៊ីស៊ីធីវី បានរាយការណ៍ឲ្យដឹងថា លោកវេជ្ជបណ្ឌិត Liu Zhiming និងជានាយកមន្ទីរពេទ្យ Wuhan Wuchang បានទទួលបានមរណភាពហើយ កាលពីវេលាម៉ោង ១០ៈ៣០នាទី ព្រឹកនេះ បន្ទាប់ខិតខំប្រឹងប្រែងជួយសង្គ្រោះតែមិនបានជោគជ័យ។
គួររំឮកផងដែរ កាលពីដើមខែនេះមនុស្សរាប់លាននាក់នៅក្នុងប្រទេសចិន បាននាំគ្នាកាន់ទុក្ខយ៉ាងសោកសៅម្តងហើយ ចំពោះការស្លាប់បាត់បង់ជីវិតរបស់ លោកវេជ្ជបណ្ឌិត Li Wenliang ដោយសារតែសង្គ្រោះមិនបានសម្រេច ក្រោយឆ្លងវីរុសកូរ៉ូណា។
ដោយឡែក កន្លងផុតមិនទាន់បានមួយខែផង នៅពេលនេះប្រជាជនចិន ក៏ត្រូវបានកាន់ទុក្ខពោរពេញទៅដោយភាពសោកសៅជាថ្មីម្តងទៀត ដែលត្រូវបាត់បង់វេជ្ចបណ្ឌិតដ៏ឆ្នើមម្នាក់ទៀតគឺ លោកវេជ្ជបណ្ឌិត Liu Zhiming ប្រចាំទីក្រុង Wahun ផងដែរ៕
សូមចូលរួមសោកស្តាយផង!