ប្រទេសចិន៖ នៅថ្ងៃទី ១៨ ខែកុម្ភៈនេះ អ្នកភូមិនៅ Huozhuangzi ភាគខាងជើង ទីក្រុងធានជីន (Tianjin) នៃប្រទេសចិនបានស៊ាំនឹងសំឡេង“ អ៊ូអរ” នៃយន្តហោះគ្មានមនុស្សបើក(ដ្រូន)ដែលតែងតែបាញ់ថ្នាំសម្លាប់មេរោគនៅតាមតំបន់សាធារណៈនាពេលបច្ចុប្បន្ននេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Huo Junxin ប្រធានក្រុមហ៊ុនគ្រឿងម៉ាស៊ីនកសិកម្មស៊ី Xinshunyue បាននិយាយថា សម្លេងនេះមិនមែនជាការរំខាននោះទេ ព្រោះការងារនេះអាចត្រូវបានបញ្ចប់ក្នុងរយៈពេលមួយម៉ោង។
លោកបន្តថាយន្តហោះគ្មានមនុស្សបើក(ដ្រូន) ទាំង២ គ្រឿងសម្រាប់បាញ់ថ្នាំសំលាប់សត្វល្អិតលើស្រូវ និងចំការពោតតែប៉ុណ្ណោះ។ តែឥឡូវនេះពួកគេត្រូវបានគេប្រើដើម្បីបាញ់សារធាតុសម្លាប់មេរោគ ឬបាក់តេរីនៅតាមដងផ្លូវ សាលារៀន សួនច្បារ និងកន្លែងសាធារណៈផ្សេងទៀត។
លោក Huo Junxin បាននិយាយថា លោកគ្រាន់តែត្រូវការកំណត់ប៉ារ៉ាម៉ែត្រនៃការហោះហើរដូចជាកម្ពស់ និងជួរមុនពេលមើលដ្រូនហោះហើរសម្រាប់ការងារ។ លោកបានបន្ថែមថា“ វាជួយសន្សំកម្លាំងមនុស្សបានច្រើន និងអាចជួយមនុស្សឲ្យជៀសផុតពីការឆ្លងវីរុសទៀតផង” ។
ដៃគូសហការរូបនេះបានដើរតួនាទីយ៉ាងសំខាន់ក្នុងការងារបង្ការ និងទប់ស្កាត់ការរាតត្បាតនៅតាមតំបន់ជនបទរបស់ប្រទេសចិន ដោយដាក់បញ្ចូលឧបករណ៍កសិកម្មដូចជាដ្រូន និងត្រាក់ទ័រសម្រាប់ការងារកម្ចាត់មេរោគនៅតាមភូមិនិងទីប្រជុំជន។
លេខាគណៈកម្មាធិការបក្សនៃគណៈកម្មាធិការកសិកម្ម និងជនបទស្រុក Tianjin Beichen បានមានប្រសាសន៍ថា“ ការធ្វើការជាមួយគ្រឿងម៉ាស៊ីននិងឧបករណ៍កសិកម្មឆ្លុះបញ្ចាំងពីប្រាជ្ញារបស់កសិករ និងបង្កើនប្រសិទ្ធភាពការងារ” ៕