ការស្រាវជ្រាវថ្មីបាននិយាយថាការចំណាយពេលច្រើនម៉ោងជាប្រចាំអាចបង្កើនហានិភ័យនៃជំងឺដាច់សរសៃ ឈាមខួរក្បាល។ការសិក្សាដែលត្រូវបានចេញផ្សាយកាលពីថ្ងៃច័ន្ទ របស់អ្នកស្រាវជ្រាវជនជាតិអាមេរិក បានរកឃើញថាការធ្វើការ ១០ ម៉ោង ឬច្រើនជាងនេះក្នុងមួយថ្ងៃ អាចបង្កើនហានិភ័យនៃជំងឺដាច់សរសៃឈាមខួរក្បាលជិតមួយភាគបី (២៩%) ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកស្រាវជ្រាវបានពិនិត្យទិន្នន័យដែលបានវិភាគលើម៉ោងធ្វើការរបស់ប្រជាជនជាង ១៤៣,៥០០ នាក់នៅប្រទេសបារាំងចាប់តាំងពីឆ្នាំ ២០១២ ។ ចំនួននេះមានរយៈពេល ១០ ឆ្នាំឬច្រើនជាងនេះ។ អ្វីដែលគួរឱ្យចាប់អារម្មណ៍នោះគឺនៅពេលដែលអ្នកស្រាវជ្រាវបានស្រង់យកទិន្នន័យបុគ្គលិកអាយុក្រោម ៥០ ឆ្នាំមានហានិភ័យនៃជំងឺដាច់សរសៃឈាមខួរក្បាលខ្ពស់។
ចំណែកអ្នកដែលមានឋានៈការងារខ្ពស់រួមមាននាយកប្រតិបត្តិម្ចាស់អ្នកគ្រប់គ្រង ផ្សេងពីនោះដូចជាកសិករ មានហានិភ័យជំងឺដាច់សរសៃឈាមខួរក្បាលទាប។ យ៉ាងណាមិនមានភាពខុសគ្នារវាងបុរស និងស្ត្រីទេ។
អ្នកចូលរួមដែលមានលក្ខខណ្ឌការងារមិនល្អ (ដូចជាការងារស្ត្រេសខ្ពស់ ឬធ្វើការក្រៅម៉ោង ធ្វើការប្តូរវេនយប់) ក៏មានហានិភ័យខ្ពស់នៃជំងឺដាច់សរសៃឈាមខួរក្បាលផងដែរ។ ការស្រាវជ្រាវផ្នែកវេជ្ជសាស្រ្ត (Inserm) ដែលបានធ្វើការសិក្សាប្រាប់ CNBC Make It ។ ហើយទម្លាប់ទទួលទានអាហារ ការគេង និងហាត់ប្រាណរបស់អ្នកអាចជះឥទ្ធិពលដល់សរសៃឈាមផងដែរ។
អ្វីជាដំណោះស្រាយ?
បួននាក់ក្នុងចំណោមមនុស្សពេញវ័យចំនួន ១០ នាក់នៅសហរដ្ឋអាមេរិកបាននិយាយថាពួកគេធ្វើការយ៉ាងហោចណាស់ ៥០ ម៉ោងក្នុងមួយសប្តាហ៍នេះ បើយោងតាមការស្ទង់មតិរបស់ Gallup ឆ្នាំ ២០១៤ ។
ដំណោះស្រាយជាក់ស្តែងគឺត្រូវធ្វើការតិចម៉ោងជាងមុនបើអាច ឬសម្រាកខួរក្បាលខ្លះក្នុងអំឡុងម៉ោងការងារពី១០ទៅ១៥នាទីកុំបង្ខំខ្លួនឯងខ្លាំងពេក។
ជាការពិត វេជ្ជបណ្ឌិតហ្វីលីព ជាគ្រូពេទ្យឯកទេសជំងឺសរសៃប្រសាទនៅមជ្ឈមណ្ឌល Weill Cornell ផ្នែកខួរក្បាល និងឆ្អឹងខ្នងប្រាប់ CNBC ៖ «ប្រជាជនមិនទទួលខុសត្រូវចំពោះការអនុវត្តការការពារជាមូលដ្ឋានទេ។ ការងារអាច មានភាពតានតឹង។ យើងទាំងអស់គ្នាទទួលបាន។ ដូច្នេះមនុស្សត្រូវធ្វើអ្វីដែលសម្រួលដល់ភាពតានតឹង។»
១. សមាធិ
វិធីមួយដើម្បីកាត់បន្ថយភាពតានតឹងគឺដោយចំណាយពេល ២០ នាទី ដើម្បីសំរបសំរួលនៅក្នុងបន្ទប់ស្ងាត់ពេលនៅកន្លែងធ្វើការ។
២. ញ៉ាំត្រឹមត្រូវ និងធ្វើលំហាត់ប្រាណ
វាចាំបាច់ណាស់ក្នុងការថែរក្សារបបអាហារ ដែលមានសុខភាពល្អ និងការធ្វើលំហាត់ប្រាណឱ្យបានត្រឹមត្រូវប្រសិនបើអ្នកធ្វើការច្រើនម៉ោង។ អាហារដែលអ្នកគួរបរិភោគដើម្បីសុខភាពមានផ្លែឈើ បន្លែ ត្រី ខ្លាញ់ និងប្រេងអូលីវ ទឹកដោះគោ និងសាច់ល្មមបានហើយ។
ចំណែកការធ្វើលំហាត់ប្រាណទៀងទាត់ធ្វើឱ្យសប្បាយរីករាយ មានសុខភាពល្អ និងមានផលិតភាពការងារល្អ។
៣. គេងឲ្យបានគ្រប់គ្រាន់
អ្នកដែលមិនបានគេងឱ្យបាន ៧ ទៅ ៩ ម៉ោងក្នុងមួយយប់ ច្រើនតែឆាប់បារម្ភនិងធ្លាក់ទឹកចិត្តនៅកន្លែងធ្វើការដែលអាចបង្កបញ្ហាដល់សុខភាព។ អ្នកស្រាវជ្រាវថា ការមិនសម្រាកឱ្យបានត្រឹមត្រូវអាចបង្កើនឱកាសនៃជំងឺដាច់សរសៃឈាមខួរក្បាលផងដែរ៕