សាហាវណាស់លោកព្រះ! មួយកែងគាស់របស់ ឡៅ ចន្រ្ទា កីឡាករថៃដេកស្អាតតែម្ដងនៅគៀនរេញ (មានវីដេអូ)

ភ្នំពេញ៖ ការប្រកួតប្រដាល់គុនខ្មែរ ក្នុងកម្មវិធីរបស់ស្ថានីយទូរទស្សន៍អាស៊ីអាគ្នេយ៍កាលពីថ្ងៃអាទិត្យកន្លងទៅ សិស្សគុនឆ្នើមប្រចាំក្លិបឆ័ត្រយោងពិសេស៩១១ កីឡាករ ឡៅ ចន្រ្ទា បានប្រកួតឈ្នះកីឡាករឆ្លងដែនមកពីប្រទេសថៃ ភិចអារុណ ដោយផ្ដួលឲ្យសន្លប់នៅក្នុងទឹកទី៤។

គោះជួងចាប់ផ្ដើមការប្រកួតភ្លាម ទាំងកីឡាករកម្ពុជា ឡៅ ចន្រ្ទា និងកីឡាករថៃ ភិចអារុណ បានសម្រុកគ្នាខ្លាំងៗតែម្ដង មិនបានស្ទាបស្ទង់គ្នាអ្វីនោះទេ ដោយបានចេញអាវុធ និងផ្លែធ្ងន់ៗមិនថាម៉ាត់ ទាត់ ឬកែង ជាពិសេសគឺការប្រើជង្គង់។

យ៉ាងណាមិញ ការប្រកួតអូសបន្លាយដល់ទឹកទី៤ នាយសង្ហារគុនខ្មែរបានប្រើក្បាច់ប្រចាំត្រកូលគឺកែងគាស់វាយចូលពេញធ្វើឲ្យ ភិចអារុណ ដួលក្រោកមិនរួច និងត្រូវលោកអាជ្ញាកណ្ដាលបញ្ឈប់ការប្រកួតតែម្ដង៕

ចង់ឃើញថា កែងគាស់របស់ ឡៅ ចន្រ្ទា ផ្ដួលកីឡាករថៃ យ៉ាងណានោះ ទៅទស្សនាវីដេអូខាងក្រោមទាំងអស់គ្នា៖