ស្ថានភាព COVID-19 នៅចិនបាន​ស្បើយ​ហើយ! អ្នក​ជំនាញ​របស់WHO-ចិន ចាប់ផ្តើមចុះសួរសុខ​ទុក្ខ​ពលរដ្ឋ​នៅ​តំបន់​ឆ្លង​វីរុស

ប្រទេសចិន៖ មន្រ្តីសុខភាពចិនបានថ្លែងកាលពីថ្ងៃចន្ទថា ក្រុមជំនាញរួមមួយដែលមានអ្នកជំនាញមកពីប្រទេសចិន និងអង្គការសុខភាពពិភពលោកបានចាប់ផ្តើមធ្វើការត្រួតពិនិត្យនៅតំបន់ដែលមានការផ្ទុះវីរុស COVID-19 នេះ។

លោក Mi Feng អ្នកនាំពាក្យគណៈកម្មការសុខភាពជាតិ (NHC) បាននិយាយនៅក្នុងសន្និសីទសារព័ត៌មានមួយថា ក្រុមអ្នកជំនាញគ្រោងនឹងទៅទីក្រុងប៉េកាំង ខេត្តក្វាងទុង និងខេត្តស៊ីឈួនដើម្បីធ្វើអធិការកិច្ច។

លោក Mi Feng បាននិយាយថាសន្និសីទមួយត្រូវបានធ្វើឡើងដោយ NHC កាលពីថ្ងៃអាទិត្យដែលមានការចូលរួមពីមនុស្សជិត ៨០ នាក់រួមទាំងសមាជិកក្រុមអ្នកជំនាញរួមគ្នា និងតំណាងមកពីយន្តការទប់ស្កាត់និងត្រួតពិនិត្យរួមគ្នារបស់ក្រុមប្រឹក្សារដ្ឋ។

នៅឯសន្និសីទនេះផងដែរអនុប្រធាន NHC លោក Li Bin បានថ្លែងទៅកាន់អ្នកចូលរួមអំពីវិធានការណ៍បង្ការ និងត្រួតពិនិត្យនៅទូទាំងប្រទេស ដោយប្តេជ្ញាថានឹងធ្វើការជាមួយសហគមន៍អន្តរជាតិដើម្បីដោះស្រាយបញ្ហាប្រឈមនៃការរាតត្បាត និងស្វាគមន៍ការផ្តល់យោបល់ពីក្រុមជំនាញ។

អ្នកតំណាងមកពីក្រសួង និងរដ្ឋបាលនៃក្រុមប្រឹក្សារដ្ឋបានណែនាំការងារបង្ការនិងត្រួតពិនិត្យរបស់ពួកគេ។ អ្នកចូលរួមបាននិយាយជាមួយខេត្តហ៊ូប៉ីជាខេត្តដែលរងការវាយប្រហារដោយវីរុស ក្នុងអំឡុងពេលជជែក និងពិភាក្សាគ្នាបានផ្ដោតសំខាន់អំពីស្ថានភាពនៃការរាលដាល ការត្រួតពិនិត្យ និងវិធានការបង្ការនៅតាមសហគមន៍ និងតំបន់ជនបទ ការគ្រប់គ្រងសត្វព្រៃ និងការអភិវឌ្ឍថ្នាំនិងវ៉ាក់សាំង។

លោក Mi Feng បានបន្ថែមទៀតថា ក្រុមអ្នកជំនាញរួមគ្នាបានទទួលស្គាល់ពីវិធានការណ៍បង្ការ និងត្រួតពិនិត្យរបស់ចិនក៏ដូចជាការលះបង់របស់បុគ្គលិកពេទ្យចិន។ ក្នុងដំណើរបំពេញទស្សនកិច្ច នៅទីក្រុងប៉េកាំងកាលពីថ្ងៃចន្ទក្រុមអ្នកជំនាញរួមគ្នាបានចុះទៅមជ្ឈមណ្ឌលចិនសម្រាប់ការគ្រប់គ្រង និងការពារជំងឺនៅតាមមន្ទីរពេទ្យ។ មន្ទីរពេទ្យ Beijing Ditan និងសហគមន៍ Anhuali នៅស្រុក Chaoyang បានធ្វើការផ្លាស់ប្តូរបច្ចេកទេសជាមួយមន្រ្តីជំនាញនិងអ្នកជំនាញដែលពាក់ព័ន្ធ។

សមាជិកក្រុមការងារនឹងចាកចេញទៅខេត្តក្វាងទុង (Guangdong) និងខេត្តស៊ីឈួន(Sichuan) នៅថ្ងៃអង្គារនេះ៕