ចិន៖ អ្នកជិតខាងម្នាក់ មាននាមត្រកូលថាអ្នកស្រី Xu រស់នៅក្នុងទីក្រុង Guangzhou បានសង្កេតឃើញឆ្កែមួយក្បាលតាមបង្អួច ដែលនៅផ្ទះល្វែងក្បែរគាត់ ហាក់ដូចជានៅតែម្នាក់ឯង កាលពីថ្ងៃទី២៤ ខែមករាកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបីថ្ងៃក្រោយមក អ្នកស្រី Xu បានឃើញវាម្ដងទៀតក្នុងសភាពហេវហត់ និងអស់កម្លាំង ហើយគាត់ក៏សង្ស័យថា ម្ចាស់របស់វាប្រហែលជាជាប់គាំងនៅតំបន់ណាមួយជាមិនខាន ចំពេលវីរុស Covid-19 កំពុងរាតត្បាត។ គាត់ក៏បានផ្ដល់ចំណី និងទឹកដោយប្រើបំពង់ជ័រហុចទៅឲ្យវាស៊ីតាមបង្អួច ក្នុងរយៈ៦ថ្ងៃជាប់គ្នា។
ទីបំផុត ម្ចាស់ឆ្កែបានទំនាក់ទំនងទៅកាន់ការិយាល័យគ្រប់គ្រងផ្ទះល្វែង ដើម្បីឲ្យចាក់សោរទ្វារផ្ទះជួយសង្គ្រោះឆ្កែរបស់ខ្លួន។ ហើយរូបគាត់ផ្ទាល់ ពិតជាជាប់គាំងនៅទីក្រុងវូហានពិតមែន ដោយសារតែវីរុស Covid-19 បណ្ដាលឲ្យមធ្យោបាយធ្វើដំណើរនាៗត្រូវបានបិទ។
យ៉ាងណាមិញ ឆ្កែមួយក្បាលខាងលើនេះ ត្រូវបានបញ្ជូនឲ្យទៅរស់នៅមជ្ឈមណ្ឌលសត្វចិញ្ចឹមមួយកន្លែងបណ្ដោះអាសន្ន ដើម្បីរង់ចាំម្ចាស់របស់វាត្រលប់មកវិញ៕
សូមទស្សនារូបភាពនិងវីដេអូខាងក្រោម៖