អបអរ! លោកយាយវ័យ៩៦ឆ្នាំម្នាក់ទៀតហើយ ដែលបានជាសះស្បើយពីវីរុស Covid-19

ចិន៖ លោកយាយម្នាក់នាមត្រកូល Lu វ័យ៩៦ឆ្នាំ ដែលមានផ្ទុកវីរុស Covid-19 ត្រូវបានអនុញ្ញាតឲ្យចេញពីមន្ទីរពេទ្យ កាលពីថ្ងៃទី១៣ ខែកុម្ភៈកន្លងទៅនេះ បន្ទាប់ពីព្យាបាលជាសះស្បើយដោយជោគជ័យ។ ហើយលោកយាយ គឺជាអ្នកផ្ទុកវីរុស Covid-19 ដែលមានវ័យចំណាស់ជាងគេបំផុតនៅក្នុងប្រទេសចិន។

លោកវេជ្ជបណ្ឌិត Sheng Jifang បានឲ្យដឹងថា លោកយាយបានឆ្លងវីរុស Covid-19 ពីកូនស្រីរបស់គាត់ដែលតែងតែចេញទៅខាងក្រៅជួបជុំមិត្តភក្ដិនៅទីប្រជុំជន។ ក្នុងការព្យាបាលលោកយាយ គឺចំណាយអស់រយៈពេលត្រឹមតែ៣ថ្ងៃប៉ុណ្ណោះ ដោយទទួលបានការយកចិត្តទុកដាក់យ៉ាងខ្លាំងពីសំណាក់ក្រុមវេជ្ជបណ្ឌិត និងគិលានុបដ្ឋាយិកា។ មុននឹងអនុញ្ញាតឲ្យលោកយាយត្រលប់ទៅផ្ទះវិញ គាត់ត្រូវបានគេធ្វើតេស្ដរកមើលវីរុស Covid-19 ចំនួនពីរលើកជាប់គ្នា ដើម្បីបញ្ជាក់ឲ្យច្បាស់ថា គាត់ពិតជាបានជាសះស្បើយពិតមែន។ ចំពោះលទ្ធផលចេញមក គឺអវិជ្ជមានទាំងពីរលើក ហើយសួតរបស់គាត់ក៏មានភាពល្អប្រសើរឡើងវិញផងដែរ។ ចំណែកឯកូនស្រីរបស់គាត់វិញ មិនទាន់ជាសះស្បើយឡើយ ពោលគឺ កំពុងសម្រាកព្យាបាលនៅក្នុងមន្ទីរពេទ្យ។

គួររម្លឹកដែរថា កាលពីសប្ដាហ៍មុននេះ ក៏មានលោកតាម្នាក់ វ័យ៩២ឆ្នាំ ដែលផ្ទុកវីរុស Covid-19 បានជាសះស្បើយនិងអនុញ្ញាតឲ្យត្រលប់ទៅផ្ទះវិញផងដែរ៕ 

សូមទស្សនារូបភាពខាងក្រោម៖