នៅហ៊ានមើលងាយអ្នកក្រឡុកស្រាទៀតទេ? តោះមកដឹងពីប្រាក់ចំណូលប្រចាំថ្ងៃរបស់ស្ត្រីក្រឡុកស្រា!

សហរដ្ឋអាមេរិក៖ Tina Colada ធ្វើការនៅក្លិប the Queens gentlemen’s club Starlet’s ជាកន្លែងដែលបើកនៅពេលយប់ និងមានប្រុសៗជាអ្នកគាំទ្ររាប់រយនាក់បានស្រែកហៅនាង។ នាពេលថ្មីៗនេះ នាងបានផ្លាស់ទៅរស់នៅផ្ទះ«ស្រស់ស្អាត»នៅរដ្ឋញូវជឺស៊ី (New Jersey) ដោយបានចំណាយប្រាក់ចំណូលរបស់នាងស្ទើរតែទាំងអស់ទៅលើផ្ទះមួយនេះ។ នាងកំពុងត្រៀមចាប់ផ្តើមអាជីវកម្មអចលនទ្រព្យផ្ទាល់ខ្លួន។ នាងធ្វើដំណើរជុំវិញពិភពលោករួមទាំងការធ្វើដំណើរទៅអាមេរិកខាងត្បូងដើម្បីវះកាត់កែរាងកាយរបស់នាងផងដែរ។

Tina បាននិយាយថា“ យើងអាចរកលុយបានច្រើនជាងអ្នករបាំ ពីព្រោះយើងមានអតិថិជនផ្ទាល់ខ្លួន។” “យើងបម្រើអ្នកដែលហ៊ានចំណាយប្រាក់​ រីឯអ្នករបាំពិតជាមិនធ្វើដូច្នេះទេ ពួកគេមកធ្វើការគ្រាន់តែរាំទេ។” (Tina បដិសេធមិនបង្ហាញប្រាក់ចំណូលពិតប្រាកដសម្រាប់ហេតុផលបង់ពន្ធ ប៉ុន្តែគ្រាន់តែនិយាយថានាងបានឃើញអ្នកក្រឡុកស្រារកលុយបាន ៥,០០០ ដុល្លារក្នុងមួយយប់) ។

តារាចម្រៀងរ៉េបលោក Maino ដែលមកពីញូវជឺស៊ីបាននិយាយថា“ បារបានក្លាយជាផ្នែក VIP ថ្មី” ដែលកំពុងផលិតកម្មវិធីបង្ហាញពីភាពល្បីល្បាញ (“A Dolla at a Time”) ។

លោក Maino បាននិយាយថាអ្នកក្រឡុកស្រាទាំងនេះរកលុយបានរាប់ពាន់ដុល្លារក្នុងមួយយប់ ដោយកាបូបរបស់ពួកគេពេញដោយប្រាក់។ Tina ដែលមានអ្នកតាមដានខ្លួនចំនួន ៥៨៥,០០០ នាក់នៅលើ Instagram ។ នាងនិយាយថា“ ខ្ញុំជាអ្នកផ្សព្វផ្សាយក្លឹប។ “ បុរសៗបានទាក់ទងមកខ្ញុំដោយផ្ទាល់គ្រប់ពេល។ ខ្ញុំបង្កើតមិត្តភាពជាមួយបុរស ហើយខ្ញុំបានណាត់ជួបពួកគេពេលក្រោយ។”

មិត្តភ័ក្ដិ និងជាមិត្តរួមការងាររបស់នាងគឺ Winny Pooh​ បានអួតថា អ្នកគាំទ្រនាងតាមបណ្តាញសង្គមហ្វេសប៊ុកជិត ១ លាននាក់ដែលលួងលោមដោយរូបថតសិចស៊ី។

ហើយបន្ទាប់មកមាន Bernice Burgos ដែលមានអ្នកតាមដានចំនួន ៥,៦ លាននាក់។ នាងធ្លាប់ធ្វើការជាអ្នកក្រឡុកស្រានៅក្លឹប Starlet និងក្លឹបដទៃទៀត ប៉ុន្តែរកលុយបានគ្រប់គ្រាន់ដើម្បីចូលនិវត្តន៍ហើយ។

Tina បានរំលឹកពីរបៀបដែលនាងធ្វើការនៅក្លឹបរាត្រីលើកទីមួយរបស់នាងនៅឯ Starlet’s ក្នុងឆ្នាំ ២០១៥ ដែលបានផ្លាស់ប្តូរជីវិតរបស់នាង។ វាមានលក្ខណៈប្រកួតប្រជែងខ្លាំងណាស់រវាងអ្នករបាំ និងអ្នកក្រឡុកស្រាជាស្ត្រី។

“ ក្មេងស្រីរាំហើយបុរសៗបោះលុយពួកគេ។ នៅ Manhattan ក្មេងស្រីៗត្រូវអង្គុយរង់ចាំហើយជជែកជាមួយអតិថិជន។”

ប៉ុន្តែដើម្បីទទួលបានប្រាក់ អ្នកក្រឡុកស្រាត្រូវខិតខំរក្សារាងឲ្យស្អាតល្អ ព្រោះជារឿយៗពួកគេត្រូវស្លៀកសម្លៀកបំពាក់ដែលចំហវាលៗនឹងស៊ិចស៊ីយ៉ាងខ្លាំង។

អ្នកក្រឡុកអនាមិកម្នាក់ដែល Maino បាននិយាយថា "បើគ្មានមុខមាត់ស្អាតទេ យើងនឹងរកលុយមិនបានទេ" ។ ក្មេងស្រីតែងតែសួរថា "តើអ្នកណាជាគ្រូពេទ្យវះកាត់របស់អ្នក?"

ដូចមិត្តរួមការងារដទៃទៀតដែរ Tina បានធ្វើដំណើរទៅកាន់អាមេរិកខាងត្បូងដើម្បីធ្វើការវះកាត់អាវៈយវៈផ្នែកខ្លះ។ នាងបាននិយាយថា "ខ្ញុំបានវះកាត់កែខ្លួនប្រាណរបស់ខ្ញុំនៅកូឡុំប៊ី និងវះកាត់កែដើមទ្រូងរបស់ខ្ញុំនៅ Miami ។ "

លោក Maino មានប្រសាសន៍ថា“ នេះគឺជាវប្បធម៌” ។ “ ពួកគេមើលទៅល្អឥតខ្ចោះ និងទាក់ទាញណាស់។ ហើយនៅលើប្រព័ន្ធផ្សព្វផ្សាយសង្គមពួកគេមើលទៅកាន់តែស្រស់ស្អាត” ៕