ម៉ាឡេស៊ី៖ ក្លិបបាល់ទាត់ Perak FA បានក្លាយជាម្ចាស់ជើងឯកពានរង្វាន់ Malaysia Unity Shield 2020 ក្រោយប្រកួតឈ្នះ Kedah FA ក្នុងលទ្ធផល ៣ទល់នឹង១ នៅកីឡដ្ឋាន Perak កាលពីយប់ថ្ងៃសៅរ៍ម្សិលមិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោមក្រសែភ្នែកអ្នកគាំទ្រចូលរួមទស្សនាផ្ទាល់ ១៧,៥00នាក់ Perak ជាអ្នកបើកការនាំមុខមុន ២-០ នៅក្នុងវគ្គទី១។ ចូលដល់វគ្គទី២ នាទីទី៧៨ Kedah បានតាមពីក្រោយ១គ្រាប់វិញ ប៉ុន្តែត្រូវ Perak បន្ថែមមួយគ្រាប់ទៀតនៅនាទីទី៧៧ និងបញ្ចប់ការប្រកួត៩០នាទីដោយលទ្ធផល ៣ទល់នឹង១។
នៅក្នុងការប្រកួតនោះ គេសង្កេតឃើញកីឡាករកម្ពុជា ធារី ចន្ថាប៊ីន ក៏បានបង្ហាញខ្លួនក្នុងជម្រើស១១នាក់ដំបូងឲ្យ Perak FA ក្រោយផ្លាស់ទៅចូលរួមបាន១៨ថ្ងៃ ប៉ុន្តែមុនបញ្ចប់ការប្រកួត១០នាទី ពោលគឺនៅនាទីទី៨០ ខ្សែបម្រើខ្មែរ-បារាំង ត្រូវបានផ្លាស់ប្ដូរចេញ។
គួរបញ្ជាក់ឡើងវិញដែរថា ធារី ចន្ថាប៊ីន បានចាកចេញពីក្លិប Sukhothai FC ដែលលេងនៅលីគកំពូលថៃ មកចូលរួមជាមួយ Perak FA នៅលីគកំពូលម៉ាឡេស៊ី កាលពីចុងខែមករាកន្លងទៅ៕
ចង់ឃើញថា ធារី ជួយឲ្យ Perak ឈ្នះពាន Unity Shield 2020 យ៉ាងណានោះ ទៅទស្សនាវីដេអូខាងក្រោមទាំងអស់គ្នា៖