ក្រុមពន្លត់អគ្គីភ័យបាននិយាយថាក្មេងប្រុសអាយុ ៥ ឆ្នាំម្នាក់នៅGeorgia ត្រូវបានគេកោតសរសើរយ៉ាងខ្លាំងដោយសារបានជួយសង្គ្រោះក្រុមគ្រួសាររបស់គេទាំងមូលពីអគ្គិភ័យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមពន្លត់អគ្គីភ័យស្រុកBartow បាននិយាយនៅលើហ្វេសប៊ុកថា៖ “ ពេលភ្ញាក់ពីគេងអណ្តាតភ្លើងកំពុងតែឆាបឆេះក្នុងបន្ទប់គេងរបស់គាត់”។
ហើយចំណុចពិបាកនោះគឺ ផ្តះមានទីតាំងស្ថិតនៅច្រកចេញចូលតែមួយគត់ សូម្បីបង្អួចក៏មានតែមួយដែរ។បន្ទាប់មកគាត់បាននាំប្អូនស្រីអាយុ ២ ឆ្នាំហើយ និងឆ្កែរត់ចេញតាមបង្អួច។
បន្ថែមពីនោះ គាត់បានបើកទ្វារនៅជាប់គ្នាដែរដើម្បីដាស់ពូរបស់គាត់ឲ្យជួយ ហើយបន្ទាប់មកបានប្រាប់ដល់សមាជិកគ្រួសារ ៦ នាក់ផ្សេងទៀត។
កុមារNoah បានប្រាប់ស្ថានីយទូរទស្សន៍ក្នុងស្រុក WSB-TV ថា៖ "ខ្ញុំបានលើក Lily ឡើងលើបង្អួចជាមួយនឹងឆ្កែហើយចេញទៅក្រៅ" ។ គ្រប់គ្នាបានរស់រានមានជីវិតហើយបានទទួលការព្យាបាល ដោយសារការស្រូបផ្សែងច្រើន និងរលាកតិចតួច។
ក្រុមពន្លត់អគ្គិភ័យបានបញ្ជាក់ថា កន្លងមកខ្លួនធ្លាប់បានជួបប្រទះកុមារដែលរាយការណ៍រឿងភ្លើយឆេះមកច្រើនដែរ។ តែមិនដែលឃើញក្មេង៥ឆ្នាំណា ដែលក្លាហាន មិនតក់ស្លុតនឹងជួយសង្គ្រោះប្អូន និងគ្រួសារដោយស្មារតីខ្ពស់ដូច្នេះសោះ។
លោកបន្ថែមថា ខ្លួនសឹងមិនជឿថា កុមារម្នាក់នេះ ហា៊នលោតតាមបង្អួចដោយមិនបារម្ភខ្លាចស្លាប់ទាល់តែសោះ ព្រោះកុមារអាយុប៉ុណ្ណឹងមិនមែនសុទ្ធរឹងមាំបែបនេះឡើយ ដូចនេះលោកថា ក្មេងនេះសក្តិសមនឹងទទួលបានការសរសើរយ៉ាងពេញទំហឹង៕