បរទេស៖ ​នាយកគ្រប់គ្រងប្រតិបត្តិការ​អាយុ៣៣ឆ្នាំម្នាក់ ដែលបម្រើការនៅក្នុង​ក្រុមហ៊ុនចែកចាយសាច់មាន់​មួយ​ ត្រូវបានកាត់ទោសឱ្យជាប់ពន្ធនាគាររយៈពេល ១៦ខែ ពីបទលួច​​ជាង១ម៉ឺនក្បាល រួមជាមួយនឹងស្លាបមាន់ចំនួន៥កេស យកទៅលក់ឱ្យក្រុមហ៊ុនផ្សេងទៀត​ ដែល​សរុបជាទឹកប្រាក់មានតម្លៃ​ជាង ​២១.៥៨៣ ដុល្លារអាមេរិក។

លោក Au Yong Seh Enn បានលួចមាន់ជាង ១ម៉ឺនក្បាលយកទៅលក់ឱ្យក្រុមហ៊ុនផ្សេងទៀត

គួរបញ្ជាក់ផងដែរថាលោក Au Yong Seh Enn ​​បានធ្វើការឱ្យក្រុមហ៊ុន​ Hy-Fresh តាំងពីខែ ធ្នូ ឆ្នាំ ២០១៣ នៅក្នុងប្រទេសសិង្ហបុរី ដែលជាក្រុមហ៊ុនចែកចាយទាំងសាច់មាន់ស្រស់និងសាច់ក្លាសេ​។ ​ប៉ុន្តែ​​​មកដល់ថ្ងៃទី ៧ ខែមករា​ ឆ្នាំ ២០២០ លោក Au Yong Seh Enn ​ត្រូវបានជាប់ការសង្ស័យ ​បន្ទាប់​និយោជិកពីរនាក់ផ្សេងទៀតរបស់ក្រុមហ៊ុន Hy-Fresh បាន​រកឃើញភាពខុសគ្នាធំៗ នៅក្នុងតួលេខភាគហ៊ុនសម្រាប់​ការនាំចេញ។ 

លោក Au Yong Seh Enn អាច​ប្រឈមនឹងការពិន័យជាប្រាក់​រួមទាំងជាប់ពន្ធធនាគារ

ក្រោយការស៊ើបអង្កេតរួចមកគេបានរកឃើញថាលោក Au Yong Seh Enn ពិតជាបានប្រព្រឹត្តបទល្មើស​ពិតមែន។ ​ក្នុងនោះដែរ​គេបានរកឃើញថា លោក Au Yong Seh Enn ​បានលួចមាន់របស់ក្រុមហ៊ុនជាង១ម៉ឺនក្បាល ដែលសរុបទឹកប្រាក់ជាង ​២១.៥៨៣ ដុល្លារអាមេរិក ហើយ​គាត់បានយកប្រាក់ទាំងនោះទៅលេងល្បែង​​ និងសងបំណុលដែលគាត់ធ្លាប់ជំពាក់គេ៕

លោក Au Yong Seh Enn ត្រូវជាប់ពន្ធនាគារពីបទលួចមាន់ជាង ១ម៉ឺនក្បាលពីក្រុមហ៊ុនរបស់គាត់នៅសិង្ហបុរី

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ