តើជារឿងពិតទេ? គ្រូបង្វឹកក្រុម Juventus លោក Maurizio Sarri បញ្ឈប់ Cristiano Ronaldo ពីក្រុមនេះ?

អ៉ីតាលី៖ កីឡាករព័រទុយហ្កាល់ Cristiano Ronaldo កំពុងស្ថិតក្នុងទម្រង់នៃការរកគ្រាប់បាល់ប្រកបដោយភាពរំជើបរំជួល ខណៈដែលគ្រូបង្វឹកក្រុម Juventus មានគម្រោងឲ្យកីឡាករវ័យ ៣៥ ឆ្នាំរូបនេះសម្រាកពីក្រុម។

លោក Maurizio Sarri បានផ្ដល់ការសម្ភាសន៍តិចតួចនៅពេលត្រូវបានគេសួរថា តើគាត់មានគម្រោងឲ្យ Cristiano Ronaldo សម្រាកនៅមុនពេលការប្រកួតក្របខ័ណ្ឌ Champions League របស់ក្លឹបជាមួយ Lyon នៅចុងខែនេះ។

Ronaldo មានទម្រង់លេងដ៏អស្ចារ្យនៅឆ្នាំ ២០២០ និងរកបាន ១១ គ្រាប់ក្នុង ៧ ប្រកួតចុងក្រោយរបស់គាត់នៅគ្រប់ការប្រកួតទាំងអស់ ខណៈពេលដែលគាត់ក៏ស្ថិតក្នុងកំណត់ត្រា Juventus បន្ទាប់ពីការស៊ុតបញ្ចូលទី ១០ ប្រកួតជាប់ៗគ្នានៅក្របខណ្ឌ Serie A ។

កីឡាករជនជាតិព័រទុយហ្កាល់រូបនេះត្រូវបានសម្ភាសន៍ដោយអ្នកសារព័ត៌មានអន្តរជាតិ មុនការប្រកួតវគ្គពាក់កណ្តាលផ្តាច់ព្រ័ត្រ Coppa Italia ជើងទី ១ នៅថ្ងៃព្រហស្បតិ៍នេះក្នុងការទៅកាន់ទីក្រុង Milan ប៉ុន្តែលោក Sarri បានពន្យល់ថា ចង់ឲ្យខ្សែប្រយុទ្ធរូបនេះ មានអារម្មណ៍រឹងមាំមួយសប្តាហ៍សិនមុនពេលការប្រកួតប្រចាំទ្វីបរបស់ពួកគេជាមួយនឹងក្រុម Lyon ចាប់ផ្តើម។

លោក Sarri បាននិយាយអំពីក្តីសង្ឃឹមនៃការសម្រាករបស់ Ronaldo មួយរយៈនេះ។ “ខ្ញុំបាននិយាយជាមួយគាត់ ហើយគាត់បានប្រាប់ខ្ញុំថាគាត់មានអារម្មណ៍ល្អហើយ។ យើងនឹងវាយតម្លៃគាត់ដោយផ្អែកទៅលើការប្រកួតនីមួយៗរបស់គាត់។

អតីតគ្រូបង្វឹកក្រុមតោខៀវរូបនេះសង្ឃឹមថានឹងទទួលបានជ័យជំនេះត្រឡប់មកវិញដ៏គួរឲ្យភ្ញាក់ផ្អើល ២-១ នៅក្រៅទឹកដីដែលធ្លាប់ចាញ់ក្រុម Hellas Verona ។

លោក Sarri បានបន្ថែមថា “វានឹងក្លាយជាការប្រកួតដ៏លំបាកមួយ ក៏ប៉ុន្តែក្រុមរបស់ខ្ញុំកំពុងហ្វឹកហាត់បានយ៉ាងល្អនិងការអនុវត្តយ៉ាងរលូនប្រកបដោយស្តង់ដារខ្ពស់ណាស់។ ក្រុម Juventus បច្ចុប្បន្នស្ថិតនៅលេខ ២ ក្នុងតារាង Serie A ទោះបីពួកគេនៅពីក្រោយក្រុមលីគកំពូល Inter ក៏ដោយ។

ប្រសិនបើក្រុមរបស់លោក Antonio Conte បន្តឈ្នះពានរង្វាន់នេះវានឹងក្លាយជាលើកទី ១ ហើយក្នុងរយៈពេល ៩ រដូវកាលដែលក្រុម Juventus មិនអាចគ្រប់គ្រង Scudetto បាន៕