បារាំង៖ នៅនាទីទី៨០ ក្នុងការប្រកួតពានរង្វាន់ French Cup រវាងក្រុមយក្សបារាំង Paris Saint-Germain ទល់នឹងក្រុមម្ចាស់ផ្ទះ Dijon កាលពីយប់មិញ ខ្សែប្រយុទ្ធលំដាប់ពិភពលោក កីឡាករ Kylian Mbappe បានខកខានឱកាសមាសមួយធ្វើឲ្យអ្នកគាំទ្រជាច្រើនមានការភ្ញាក់ផ្អើល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរឿងដែលគួរឲ្យភ្ញាក់ផ្អើលនោះគឺ នៅពេលខ្សែបម្រើសញ្ជាតិអេស្ប៉ាញកីឡាករ Pablo Sarabia បញ្ជូនបាល់យ៉ាងល្អ ទៅកាន់ Mbappe នៅចម្ងាយប្រមាណ៣ម៉ែត្រពីមុខទីគូប្រកួត ខ្សែប្រយុទ្ធសញ្ជាតិបារាំងបែជាស៊ុតហោះឡើងទៅលើទៅវិញ។
ទោះជាយ៉ាងណាក៏ដោយ ការខកខាននោះមិនបានធ្វើឲ្យប៉ះពាល់លទ្ធផលក្រុមនោះទេ ជាក់ស្ដែងក្រោយបញ្ចប់៩០នាទីក្រុម PSG បានយកឈ្នះក្រុម Dijon ក្នុងលទ្ធផល៦ទល់នឹង១។
៦គ្រាប់របស់ក្រុមលោក Tuchel រកបានដោយ ម្ចាស់អាវលេខ៧ Kylian Mbappe ខ្សែការពារ Thiago Silva និងខ្សែបម្រើ Pablo Sarabia (២គ្រាប់) ចំណែកឯ២គ្រាប់ទៀតគឺកីឡាករក្រុម Dijon ភ្លាត់ធ្វើឲ្យចូលទីខ្លួនឯង។
ខណៈ១គ្រាប់របស់ក្រុមម្ចាស់ផ្ទះ សម្រេចទីតាមរយៈខ្សែបម្រើស្លាប Mounir Chouiar ។ តាមរយៈលទ្ធផល ៦-១ ខាងលើ ក្រុម PSG ទទួលបានកៅអីឡើងទៅវគ្គពាក់កណ្ដាលផ្ដាច់ព្រ័ត្រ៕
បើចង់ជ្រាបច្បាស់សូមទស្សនាវីដេអូខាងក្រោម៖