ប្រទេសចិន៖ នៅក្នុងខ្សែវីដេអូដ៏រំជួលចិត្ត តាមដងវិថីដែលមានមេឃភ្លៀងនៃទីក្រុងវូហាន បុរសជាប្តីបើកឡានតាមប្រពន្ធរបស់គាត់ដោយប្រើចង្កៀងមុខ ដើម្បីបំភ្លឺផ្លូវរបស់នាងទៅធ្វើការនៅមន្ទីរពេទ្យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្ត្រីជាប្រពន្ធបានផ្តាច់ខ្លួនពីក្រុមគ្រួសារ ទៅធ្វើព្យាបាលជំងឺដល់មនុស្សរាប់ពាន់នាក់ ដែលកំពុងផ្ទុកវីរុសកូរ៉ូណា ស្របពេលដែលក្រុមគ្រួសាររបស់នាង មានការព្រួយបារម្ភថា នាងអាចនឹងឆ្លងជំងឺនេះតាមរយៈការងារ ហើយអាចនឹងឆ្លងទៅប្តី និងកូនៗរបស់នាង ដោយនាងសុខចិត្តស្នាក់នៅសណ្ឋាគារហើយដើរទៅធ្វើការរាល់ថ្ងៃ។
ជាក់ស្តែងតាមរយៈវីដេអូមួយ បានឲ្យដឹងថាដោយសារនាងមិនព្រមចូលឡានជិះ ជាមួយប្តីគាត់បានចិត្តបើកឡានពីក្រោយនាងរៀងរាល់ល្ងាចនៅពេលដែល នាងធ្វើដំណើរដើម្បីចាប់ផ្តើមវេនយប់ ព្រោះអ្នកទាំង២ខ្លាចវីរុសឆ្លងទៅកាន់គ្នា។
ស្ត្រីជាប្រពន្ធបាននិយាយថាពេលត្រឡប់មកពីធ្វើការវិញ ប្តីរបស់នាងបានចំអិនម្ហូបទុកចោល រង់ចាំនាងនៅបន្ទប់សណ្ឋាគាររបស់នាង។ អ្វីដែលខ្លោចចិត្តជាងនេះ ពួកគេមិនដែលអាស្រ័យនិយាយរកគ្នាដោយផ្ទាល់នោះទេ ដោយពឹងផ្អែកលើការជជែកជាវីដេអូឆាតជំនួសដើម្បីទំនាក់ទំនង៕
សូមទស្សនាវីដេអូខាងក្រោម៖