បរទេស៖ ការបង្ហាញខ្លួនរបស់ខ្សែប្រយុទ្ធឆ្នើមរបស់អេហ្ស៊ីប Mohamed Salah នៅក្នុងព្រឹត្តិការណ៍ការប្រកួតកីឡាអូឡាំពិក ឆ្នាំ២០២០ នៅទីក្រុងតូក្យូ គឺជាការសម្រចចិត្តរបស់សាម៉ីកីឡាករផ្ទាល់ និងក្លិប Liverpool នេះបើតាមសម្ដីរបស់លោក Shawky Gharib គ្រូបង្វឹកក្រុមបាល់ទាត់ជម្រើសជាតិអេហ្ស៊ីប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ខ្សែប្រយុទ្ធវ័យ២៧ឆ្នាំ Salah មានឈ្មោះក្នុងបញ្ជីកីឡាករបឋមទាំង៥០រូបរបស់អេស្ស៊ីបដែលត្រៀមចូលរួមទៅលើប្រភេទកីឡាបាល់ទាត់ វិញ្ញាសាបាល់ទាត់បុរស ដោយការប្រកួតវគ្គផ្ដាច់ព្រ័ត្រគ្រោងនឹងធ្វើឡើងនៅថ្ងៃទី០៨ ខែសីហា ដែលចំនឹងថ្ងៃដំបូងដែលក្របខណ្ឌលីគកំពូលអង់គ្លេស Premier League ២០២0-២០២១ ចាប់ផ្ដើម។
ថ្លែងប្រាប់ទីភ្នាក់ងារសារព័ត៌មាន Reuters គ្រូបង្វឹកអេហ្ស៊ីបលោក Gharib បាននិយាយថា៖
ពួកយើងមិនអាចបង្ខំឲ្យមានគេ (Salah) វត្តមានជាមួយពួកយើងបាននោះទេ។ ការមកចូលរួមជាមួយជាពួកយើងគឺជាការសម្រេចចិត្តរបស់គេផ្ទាល់ ក្លិបរបស់គេ និងគ្រូបង្វឹករបស់គេ Jurgen Klopp។ ខ្ញុំបានជ្រើសគេក្នុងបញ្ជី៥០នាក់ចុងក្រោយ ហើយបញ្ជីចុងក្រោយកីឡាករ១៨នាក់នឹងចេញនៅខែមិថុនា។
គួរឲ្យដឹងផងដែរថា សម្រាប់វិញ្ញាសាបាល់ទាត់បុរសក្នុងព្រឹត្តិការណ៍កីឡាអូឡាំពិកគឺកំណត់យកក្រុមយុវជនអាយុក្រោម២៣ឆ្នាំ ប៉ុន្តែជាលក្ខខណ្ឌក៏អនុញ្ញាតឲ្យមានកីឡាករដែលលើសអាយុចំនួន៣នាក់ផងដែរ៕
ប្រភព៖ BBC
Bong I.T