អេស្ប៉ាញ៖ នៅកំឡុងថ្ងៃអាទិត្យសប្ដាហ៍មុនលោក Ignacio Fernandez បានបើករថយន្តនៅក្នុងទីក្រុង Valdebebas ហើយលោកក៏បានជួបនូវគ្រោះថ្នាក់ចរាចរណ៍បន្តិចបន្តួច ដោយរថយន្តមួយគ្រឿងទៀតបានបើកមកបុកពីក្រោយរថយន្តរបស់លោកនៅចំណុចរង្វង់មូលមួយកន្លែង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម្ចាស់រថយន្តដែលបានបុករថយន្តរបស់លោក Ignacio Fernandez ពីក្រោយនោះគឺជាគ្រូបង្វឹករបស់ក្លិបបាល់ទាត់ Real Madrid លោក Zinedine Zidane ដោយពេលនោះគ្រូបង្វឹកសញ្ជាតិបារាំងបាននឹងកំពុងធ្វើដំណើរទៅកាន់ទីកន្លែងហ្វឹកហាត់។
រឿងរ៉ាវទាំងអស់នេះគឺជាការរៀបរាប់ប្រាប់ដល់ទៅសរព័ត៌មាន La Voz de Galicia របស់លោក Ignacio Fernandez ដែលជាអ្នកចាត់ការទូទៅនៅក្នុងហាងលក់គ្រឿងសង្ហារឹមមួយកន្លែង។ លោកបាននិយាយយ៉ាងដូច្នេះថា៖
ភ្លាមៗនោះខ្ញុំបានឃើញគាត់ (Zidane) ខ្ញុំច្បាស់ណាស់ថាប្រាកដជាគាត់។ ខ្ញុំបាននិយាយទៅគាត់ថាខ្ញុំមិននឹកស្មានថាអាចជួបគាត់នៅក្នុងកាលៈទេសៈបែបនេះទេ ប៉ុន្តែវាក៏មិនមែនជារឿងអាក្រក់នោះដែរ។ ខ្ញុំបានប្រាប់គាត់ថាពួកយើងគួរតែថតរូបស៊ែលហ្វីជាមួយគ្នា ព្រោះមនុស្សជាច្រើននឹងមិនជឿថាខ្ញុំត្រូវបានឡានរបស់លោក Zidane បុកនោះទេ។ ហើយពេលនោះគាត់គឺពិតជាចិត្តល្អមែនទែន ដោយបានយល់ព្រម និងដោះមួកចេញ ហើយពួកយើងក៏ថតរូបជាមួយគ្នា។
ដើម្បីកុំឲ្យមានរឿងរ៉ាវវែងឆ្ងាយព្រោះដោយសារនៅទីនោះក្បែរទីលានហ្វឹកហាត់់របស់ក្លិប Real Madrid លោក Ignacio Fernandez ក៏បានស្នើសុំក្រដាសធានារ៉ាប់រងដើម្បីដោះស្រាយនៅពេលក្រោយ។ លោក Ignacio បានឲ្យដឹងថាក្រោយមកក៏មានអ្នកតំណាងរបស់លោក Zidane ទាក់ទងមកលោក។ លោកបានរៀបរាប់ថា៖
អ្នកតំណាងបានអរគុណខ្ញុំដែលដឹងថា Zidane កំពុងតែប្រញាប់នៅពេលនោះ អ៊ីចឹងគាត់ (Zidane) ក៏អរគុណខ្ញុំដែលខ្ញុំមិនបានសូមហត្ថលេខា អាវ ឬសំបុត្រការប្រកួតពីគាត់៕
ប្រភព៖ Marca
Bong I.T