ភ្នំពេញ៖ កាលពីយប់មិញ បានផ្ទុះរឿងរ៉ាវដ៏កក្រើកមួយ បន្ទាប់ពី លោកឧកញ៉ា ឌួង ឆាយ បានជួបរឿងអកុសលត្រូវបុរសម្នាក់ បើករថយន្តក្នុងល្បឿនលឿន មិនគោរពភ្លើងស្ដុប ក៏ជ្រុលទៅបុកឡានម៉ាក Rolls-Royce តម្លៃរាប់លានរបស់លោកឧកញ៉ា ខ្ទេចមួយចំហៀងតែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបន្ថែមដែរថា ហេតុការណ៍មួយនេះ បានកើតឡើង តាមបណ្ដោយផ្លូវកម្ពុជាក្រោម កែងជាមួយផ្លូវព្រះមុន្នីវង្ស ត្រង់ស្ដុបសេរីភាព សង្កាត់មនោរម្យ ខណ្ឌ៧មករា រាជធានីភ្នំពេញ នាវេលាម៉ោងជាង១យប់ រំលងអធ្រាត។
អ្វីដែលកាន់តែគួរឲ្យចាប់អារម្មណ៍នោះគឺ បុរសដែលបង្កហេតុ មិនបានរត់គេចនោះទេ ដោយបានមានវត្តមាននៅកន្លែងកើតហេតុដដែល ព្រមទាំងបានលើកដៃសំពះ ដល់លោកឧកញ៉ា សុំមេត្តាអនុគ្រោះដល់រូបលោកផងដែរ។
គួរបញ្ជាក់ដែរថា នេះមិនមែនជាលើកទីមួយដែល រថយន្តRolls-Royce របស់លោកឧកញ៉ា ឌួង ឆាយ បានជួបគ្រោះថ្នាក់បែបនេះទេ បើសរុបទៅ៣ដងហើយ តាំងពីខែមករា ខែឧសភា ព្រមទាំងខែកុម្ភៈឆ្នាំ២០២០ នេះផ្ទាល់តែម្ដង៕
ចង់ជ្រាបច្បាស់ ទស្សនារូបភាពខាងក្រោម៖