ភ្នំពេញ៖ ប្រិយមិត្តដែលនិយមតាមដានខ្សែភាពយន្ដខ្មែរ ប្រាកដជាបានស្គាល់រួចហើយ កញ្ញា ដួង ម៉ានិច ដែលជាតារាសម្ដែងដែលមានភាពលេចធ្លោខ្លាំងក្នុងចង្កោមសិល្បៈ ព្រោះនាងមានទេពកោសល្យខ្ពស់ក្នុងការសម្ដែង មិនថាតួអង្គបែប ស្លូត កាច ឆ្នាស់ឆ្នើម គឺគាត់អាចសម្ដែងបានយ៉ាងល្អ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម្យ៉ាងវិញទៀត បើទោះបីតារាស្រីរូបនេះ តែងនិយមលេងខ្លួនស៊ិចស៊ីយ៉ាងណាក៏ដោយ ក៏នាងនៅតែមានសន្ដានចិត្តល្អ ចេះគោរពដឹងគុណចំពោះសិល្បៈរៀមច្បង ធ្វើឲ្យអ្នកណាៗក៏សរសើរដែរ។
ជាក់ស្តែងកាលពីពេលនេះ នាងបានបង្ហោះរូបថត ២សន្លឹក អមជាមួយពាក្យរៀបរាប់មួយចំនួន ក្នុងគណនី Instagram ដែលរូបភាពនោះ តារាស្រីរូបនេះនាងក៏បានក្រាបសំពះវីវៈសិល្បៈករជើងចាស់ លោកស្រី ឌី សាវ៉េត ប្រៀបដូចម្ដាយបង្កើត ជាមួយនឹងពាក្យពេចន៍ថា៖
បានជួបអ្នកគ្រូទៀតហើយ គាត់ប្រៀបដូចជាម្ដាយទី២របស់ខ្ញុំចឹង ព្រោះតាំងពីចូលសិល្បៈដំបូងរហូតដល់ឥឡូវ នៅពេលដែលជួបគាត់ គឺគាត់តែងតែណែនាំ និងលើកទឹកចិត្តរហូត ផ្ដល់នូវដំបូន្មានល្អៗ ហើយគាត់មានប្រសាសន៍ថា «ជីវិតសិល្បៈចឹងហើយកូន តែងតែមានអ្នកស្រលាញ់ អ្នកចូលចិត្ត និងអ្នកមិនពេញចិត្តចឹងហើយកូន យ៉ាងណាកូនខំធ្វើតែអំពើល្អ ក៏ដូចជាខិតខំសម្ដែងអោយបានល្អ នោះរឿងល្អនឹងមករកយើងមិនខាន» កូនតែងតែចាំនូវសម្ដីរបស់អ្នកគ្រូរហូតនៅពេលកូនមិនសប្បាយចិត្ត ព្រោះវាធ្វើឲ្យខ្ញុំមានសេចក្ដី សង្ឃឹមបន្តដំណើរទៅមុខទៀត៕
Bong I.T