កូរ៉េខាងត្បូង៖ អ្នកដែលនិយមគាំទ្រ វិស័យចម្រៀង Kpop ប្រាកដជាធ្លាប់បានស្គាល់ ក្រុមចម្រៀងដ៏ល្បី ប្រចាំកូរ៉េខាងត្បូង ដែលមានឈ្មោះថា BTS ជាក់ជាមិនខាន។
គួររម្លឹកផងដែរថា BTS គឺជាក្រុមចម្រៀងប្រុសដ៏ល្បី ដែលមានសមាជិក ៧នាក់ រួមមាន RM Jin Suga J-hope Jimin Taehyung និង Jungkook។ ហើយពួកគេម្នាក់ៗ សុទ្ធសឹងតែមានជំនាញ និងសមត្ថភាពពិសេស រៀងៗខ្លួន ដែលមិនងាយនឹងមានអ្នកណា អាចធ្វើបានដូចណាស់។
ជាក់ស្តែងថ្មីៗនេះ សារព័ត៌មានកូរ៉េ បានចេញផ្សាយពីសមិទ្ធផលថ្មីរបស់ពួកគេ នោះគឺបទចម្រៀង “Fake Love” ដែលទើបតែទទួលបាន ៦៥០លាន views នៅក្នុងយូធូប កាលពីពេលថ្មីៗកន្លងទៅនេះ។
គួរបញ្ជាក់ផងដែរថា នេះជាបទចម្រៀងទី៣ ហើយរបស់ BTS ដែលទទួលបានការគាំទ្រខ្លាំង និងលឿនបែបនេះ ពីបណ្តាហ្វេនៗជុំវិញពិភពលោក បន្ទាប់ពីបទ “DNA” និងបទ “Boy With Luv ”៕
ទស្សនារូបភាពខាងក្រោម ៖