វ័យចូល៤០ប្លាយហើយ! តែកុំមើល គង់​ សុជាតិ និងស្វាមី ស្វីតខ្លាំង មើលវីដេអូនេះបានដឹង (មានវីដេអូ)

ភ្នំពេញ៖ អ្នកនាង គង់ សុជាតិ និងលោក ជា វិបុល ជាពិធីករ ពិធីការនី ដែលប្រឡូកក្នុងវិស័យសិល្បៈជាច្រើនឆ្នាំមកហើយ ថែមទាំងទទួលបានការគាំទ្រពីទស្សនិកជនច្រើនមិនស្ទើរ មកទល់នឹងពេលបច្ចុប្បន្ន។

គួរបញ្ជាក់ផងដែរ ថាអ្នកទាំងពីរ បានចាប់ដៃសាងជីវិតគ្រួសារនឹងគ្នា​ តាំងពីឆ្នាំ២០១៥ និងមានកូនស្រីម្នាក់ ដ៏គួរឲ្យក្នាញ់ជាចំណងដៃផងដែរ។ ហើយមកដល់ពេលបច្ចុប្បន្ន អ្នកទាំងពីរ នៅតែមានភាពល្បីល្បាញមិនអន់ថយ ដោយគេតែងឃើញពួកគាត់រវល់ជាមួយនឹងការងារ ប្រគំតន្រ្តីជាច្រើន​ ជាពិសេសការប្រគំតន្រ្តីតាមបណ្ដារខេត្ត គឺចេញ​ពីខេត្តមួយទៅខេត្តមួយ ហាក់ដូចមិនទំនេរមួយថ្ងៃសោះ។

យ៉ាងណាមិញ បើទោះបីជារវល់នឹងការងាររៀងៗខ្លួនយ៉ាងណាក៏ដោយ តែកាលពីយប់មិញតារាស្រីសាច់ចាំរូបនេះ និងស្វាមី នៅមិនភ្លេចចំណាយពេលវេលានៅជាមួយគ្នា ដោយឆ្លៀតពេលមកញ៉ាំអាហារពេលល្ងាចជាមួយគ្នាយ៉ាងរ៉ូមែនទិក ដូចគូស្នេហ៍ដែលទើបរៀបការថ្មីៗយ៉ាងដូច្នោះ។

ដោយក្នុងនោះនា បានបង្ហោះរូបភាពវីដេអូ និងពាក្យមួយចំំនួនយ៉ាងស្វីតនៅក្នុងគណនី Instagram របស់អ្នកនាងផ្ទាល់ ពេលឃើញហើយ ពិតជាគួរឲ្យច្រណែន នឹងពួកគាត់មែនទែន ព្រោះថាស្វីតខ្លាំង មិនឲ្យចាញ់ក្មេងៗស្រករក្រោយឡើយ៕

​ចង់ជ្រាបច្បាស់ទស្សនារូបភាព និងវីដេអូខាងក្រោម៖