ភ្នំពេញ៖ កាលពីខែមករា ទស្សនិកជនក៏ដូចជាអ្នកគាំទ្របានទស្សនា និងចូលរួមសប្បាយរីករាយជាមួយតារាចម្រៀងថៃលោក Toey Atibodin ដែលជាម្ចាស់បទ Ngut Toeung Ngut ដ៏ល្បីនៅប្រទេសថៃក្នុងកម្មវិធី «Boostrong Music On Fire» រួចមកហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែកនៅខែកុម្ភៈនេះ ដែលជាខែនៃសេចក្តីស្រឡាញ់នោះ នឹងមានក្រុមចម្រៀង pop ថៃ មួយក្រុមទៀត គឺក្រុម Actart Band នឹងមកបកស្រាយបទចម្រៀងបែបមនោសញ្ចេតនាដ៏ល្បីរបស់ខ្លួនដោយផ្ទាល់ក្នុងកម្មវិធី «Boostrong Music On Fire»។
បទចម្រៀងដែលក្រុម Actart Band លើកយកមកបកស្រាយមានចំនួនបួនបទមានដូចជាបទ Nork Jak Cheu Chan បទនេះមានភាពល្បីល្បាញខ្លាំងដោយទទួលបានអ្នកចូលទស្សនារហូតដល់ទៅ ១៩៤,០០០,០០០ ដង (មួយរយកៅសិបបួនលានដង) នៅលើបណ្តាញសង្គមយូធូប ចំណែកមួយបទទៀតក៏តាមប្រកៀកប្រកិតបទខាងលើដែរនោះគឺបទ Kor Yung Pen Thur ដោយទទួលបានអ្នកទស្សនារហូតដល់ ១១៦,០០០,០០០ ដង (មួយរយដប់ប្រាំមួយលានដង) លើបណ្តាញសង្គមយូធូបដូចគ្នា និងពីរបទចុងក្រោយចំណងជើង Kao Kom Loy និងបទ Thar Bung Ern។
បទចម្រៀងទាំងបួនបទនេះសុទ្ធសឹងតែជាបទបែបមនោសញ្ចេតនាស្នេហាដែលបែកបាក់ទៅហើយ បន្សល់នូវអនុស្សាវរីយ៍ និងការនឹករលឹកតែមិនអាចត្រឡប់ទៅដូចដើមបាន គឺបានត្រឹមតែអង្គុយនឹកឃើញរឿងដែលកន្លងហួសទៅហើយ។
ចង់ជួបផ្ទាល់ជាមួយក្រុមតន្ត្រី pop Actart Band កុំភ្លេចមកជួបគ្នានៅថ្ងៃសៅរ៍ ទី២២ ខែកុម្ភៈ ឆ្នាំ២០២០ នៅក្នុងកម្មវិធីតន្ត្រី «Boostrong Music On Fire» ចាប់ពីវេលាម៉ោង ៤:៣០ នាទីល្ងាចតទៅ នៅស្ទីតយោ ភី អិន អិនព្រែកព្នៅ៕
ទស្សនាបទចម្រៀងទាំងបីបទខាងក្រោម៖