ប្រេស៊ីល៖ អតីតខ្សែប្រយុទ្ធ និងជាវីរបុរសរបស់ក្រុមបាល់ទាត់ជម្រើសជាតិប្រេស៊ីលលោក Pele គឺមិនអាចធ្វើដំណើរចេញក្រៅផ្ទះបាននោះទេ ដោយសារតែលោកមិនអាចដើរបានទេបើសិនជាគ្មានជំនួយ នេះបើតាមការប្រាប់ឲ្យដឹងពីកូនប្រុសរបស់លោក Pele គឺលោក Edinho។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធដែលជួយឲ្យប្រេស៊ីលឈ្នះពាន World Cup ចំនួន៣ដងត្រូវបានគេទទួលស្គាល់ថាគឺជាកីឡាករដែលល្អបំផុតមួយរូបនៅក្នុងប្រវត្តិសាស្រ្តបាល់ទាត់។
បុរសវ័យ៧៩ឆ្នាំ Pele បច្ចុប្បន្នកំពុងតែមានបញ្ហាជំងឺនៅចង្កេះ ហើយលោកត្រូវការឈើច្រត់ជាជំនួយទើបអាចដើរបាន។ ជាមួយនឹងការបង្ហាញខ្លួននៅតាមទីសាធារណៈនៅប៉ុន្មានលើកចុងក្រោយនេះ គេសង្កេតឃើញលោកអង្គុយនៅរទេះរុញប៉ុណ្ណោះ។
ថ្លែងប្រាប់ទូរទស្សន៍ក្នុងស្រុក TV Globo កូនប្រុសលោក Pele លោក Edinho បាននិយាយយ៉ាងដូច្នេះថា៖
Pele គឺជាអ្នករកគ្រាប់បាល់បានច្រើនជាងគេនៅក្នុងប្រវត្តិសាស្រ្តបាល់ទាត់ ដោយលោកអាចរកបាន ១,២៨១គ្រាប់ពីការបង្ហាញខ្លួនសរុប ១,៣៦៣ប្រកួត កំឡុងពេលលោកប្រកបអាជីពជាកីឡាករអស់រយៈពេល២១ឆ្នាំ។
គួរឲ្យដឹងផងដែរថា សុខភាពរបស់លោក Pele នៅប៉ុន្មានឆ្នាំចុងក្រោយនេះហាក់មានការចុះទ្រុឌទ្រោមខ្លាំង ហើយលោកក៏ទទួលបានការវះកាត់ត្រគាកផងដែរកាលពីឆ្នាំ២០១៥ កន្លងទៅ៕
ប្រភព៖ BBC