តោះ! មកដឹងពីតម្លៃ និង លក្ខណៈពិសេសរបស់ Samsung Galaxy S20 ដែលនឹងដាក់លក់នៅថ្ងៃនេះ

ទូរស័ព្ទ Samsung Galaxy S20 (ដែលពីមុនត្រូវបានគេស្គាល់ថា Samsung Galaxy S11) ដែលជាទូរស័ព្ទជំនាន់ក្រោយរបស់ក្រុមហ៊ុន Samsung នឹងត្រូវបង្ហាញខ្លួនជាផ្លូវការនៅឯ Samsung Unpacked នៅថ្ងៃទី ១១ ខែកុម្ភៈឆ្នាំ ២០២០ នេះ។ តើអ្នកបានដឹងថាទូរស័ព្ទ Samsung Galaxy S20 នឹងដាក់លក់នៅថ្ងៃណា? តម្លៃប៉ុន្មាន? និងមានលក្ខណៈពេសេសអ្វីខ្លះ? តោះមកដឹងពីព័ត៌មានចុងក្រោយរបស់ទូរស័ព្ទ Samsung Galaxy S20 ទាំងអស់គ្នា។

១. ហេតុអ្វីមិនចេញ Samsung Galaxy S11 បែរជាចេញ Samsung Galaxy S20 ជំនួសវិញ?

អ្នកជំនាញទាំងអស់បានយល់ស្របថា ការយកស្មាតហ្វូនតែមួយទៅដាក់ឈ្មោះខុសគ្នា គឺប្រសើរជាងទូរស័ព្ទពីរផ្សេងគ្នា។ ដោយពួកគេគិតថាគឺជាការផ្លាស់ប្តូរដ៏ឆ្លាតវៃមួយរបស់ក្រុមហ៊ុន Samsung ព្រោះថាស្មាតហ្វូនស៊េរីថ្មីនីមួយៗ (S21, S22, ជាដើម) នឹងត្រូវផលិតឲ្យត្រូវតាមឆ្នាំនៃការចេញផ្សាយរបស់វា។

"Samsung Galaxy S20" ត្រូវបានបញ្ជាក់ជាផ្លូវការដោយក្រុមហ៊ុន Samsung នៅលើគេហទំព័រគ្រឿងបន្លាស់មួយចំនួនដែលបានផ្សាយផ្ទាល់នៅលើគេហទំព័របែលហ្ស៊ិក និងអាល្លឺម៉ង់។

២. កាលបរិច្ឆេទចេញលក់របស់ Samsung Galaxy S20

កាលបរិច្ឆេទនៃដាក់ការបង្ហាញរបស់ Samsung S20 គឺថ្ងៃទី ១១ ខែកុម្ភៈ ឆ្នាំ ២០២០ ដែលទំនងជាកំឡុងពេលដែល Samsung Galaxy Unpacked ក្នុងទីក្រុងសាន់ហ្វ្រាន់ស៊ីស្កូដែលជាព្រឹត្តិការណ៍សំខាន់មួយដែលគ្រោងនឹងបង្ហាញទូរស័ព្ទ Galaxy ថ្មី និងច្នៃប្រឌិតថ្មីរបស់ក្រុមហ៊ុន Samsung ។ នេះត្រូវគ្នានឹងរបាយការណ៍កាលបរិច្ឆេទចេញផ្សាយខែកុម្ភៈពីសំណាក់ប្រិយមិត្ត SamMobile និងអ្នកបញ្ចេញព័ត៌មាន Iceuniverse ។ សូមចងចាំថា Galaxy S10, Galaxy S10 Plus និង Galaxy S10e បានដាក់លក់ជាលើកដំបូងនៅថ្ងៃទី ២០ ខែកុម្ភៈ ឆ្នាំ ២០១៩ ដូច្នេះប្រសិនបើ Galaxy S20 នឹងមកដល់នៅខែកុម្ភៈនោះនឹងទាក់ទាញការចាប់អារម្មណ៍ពីសំណាក់អ្នកគាំទ្រយ៉ាងច្រើន។ ទោះយ៉ាងណាមុនពេលដែលស្មាតហ្វូន S20 ចេញលក់ 'S Lite' ជំនាន់ទី ១០ បានមកដល់មុន Galaxy S20 រួចទៅហើយ។

៣. តម្លៃរបស់ Samsung Galaxy S20

បើយើងក្រឡេកមើលនៅឆ្នាំ ២០១៩ តម្លៃ Galaxy S10 បានចាប់ផ្តើមពីតម្លៃ ៧៤៩ ដុល្លារសម្រាប់ S10e, ៨៩៩ ដុល្លារសម្រាប់ S10 និង ៩៩៩ ដុល្លារសម្រាប់ S10 Plus។

អ្នកបញ្ចេញព័ត៌មានម្នាក់គឺ Max Weinbach នៃ XDA Developers បានបង្ហើបពីអ្វីដែលគាត់ជឿជាក់ថានឹងជាតម្លៃសម្រាប់ទូរស័ព្ទ Galaxy 5G ស៊េរីថ្មីនៅក្នុងទីផ្សារអឺរ៉ុប។ ចំពោះតម្លៃរបស់ Samsung Galaxy S20 5G មានពាក្យចចាមអារ៉ាមថាមានតម្លៃ ៩០០-១០០០ ផោន។ S20 + 5G ត្រូវបានគេដាក់ក្នុងតម្លៃ ១០៥០-១១០០ ផោនខណៈដែល S20 Ultra 5G ត្រូវបានគេនិយាយថាមានតម្លៃ ១៣០០ ផោន។

៤. ការរចនារបស់ Samsung Galaxy S20

នៅឆ្នាំ ២០១៩ Samsung បានបង្កើតឡើងជាមួយអេក្រង់ទំហំ ៥,៨ អ៉ីញសម្រាប់ S10e, អេក្រង់ ៦,១ អ៊ីញសម្រាប់ S10 និងអេក្រង់ ៦,៤ អ៊ីញសម្រាប់ S10 Plus ។ ឥឡូវនេះយើងមានការបញ្ជាក់ថាទូរស័ព្ទ Samsung Galaxy S20 ថ្មីទាំងបីម៉ូដែលនេះនឹងយកគំរូតាមប្រភេទនេះ បើទោះបីជាទំហំអេក្រង់អាចនឹងធំជាងនេះក៏ដោយ។ រូបភាពទីផ្សារលេចធ្លាយទាំងនេះបង្ហាញយើងនូវអ្វីដែលយើងអាចរំពឹងបានដោយមានទំហំបីផ្សេងគ្នាសម្រាប់ S20, S20 Plus និង S20 Ultra រៀងៗខ្លួន។ ហើយចុះចំណែកស្នាមប្រហោងប្រហោង? វាមិនគួរឱ្យជឿទេថាមកដល់ត្រឹមខែកុម្ភៈ ឆ្នាំ ២០២០ វិញក្រុមហ៊ុន Samsung បានរកវិធីបង្កប់កាមេរ៉ានៅក្រោមអេក្រង់ដោយដកចេញនូវតម្រូវការស្នាមរន្ធទាំងមូល។ យើងដឹងហើយថាយ៉ាងហោចណាស់ Samsung កំពុងតែគិតអំពីទូរស័ព្ទដែលមានអេក្រង់រអិល ដែលបង្ហាញពីកាមេរ៉ាមុខនៅពេលអ្នកត្រូវការ ប៉ុន្តែវាប្រហែលជាអ្វីដែលត្រូវចងចាំសម្រាប់ទូរស័ព្ទ Galaxy S21 នៅឆ្នាំ ២០២១ ។ ការពឹងផ្អែករបស់ Samsung ដែលគ្មានប៊ូតុងនៅលើអេក្រង់ប៉ះដំបូងអាចត្រូវបានពិសោធជាមួយម៉ូដែលមួយពីស៊េរី S របស់ Samsung ដែលអាចនឹងមានហានិភ័យទាប។ នៅក្នុងដំណាក់កាលនៃការវិវឌ្ឍន៍នៃស៊េរីទូរស័ព្ទ Galaxy S វាមិនទំនងដែលថាក្រុមហ៊ុន Samsung នឹងធ្វើឱ្យមានការភ្ញាក់ផ្អើលនៅក្នុងការរចនានោះទេ ទោះបីជាយើងបានដឹងមកថា S20 ត្រូវបានគេដាក់ឈ្មោះថា Picasso និង Hubble ក៏ដោយ។ ការដាក់បង្ហាញទូរស័ព្ទ Galaxy Note 10 ពិតជាមិនបានផ្តល់ឱ្យយើងនូវតម្រុយណាមួយទេដោយទូរស័ព្ទនោះនៅជាប់នឹងគំរូ Samsung ដែលរំពឹងទុក។

៥. លក្ខណៈពិសេសរបស់ Samsung Galaxy S20 វាស្ថិតនៅក្នុងលក្ខណៈពិសេស និងផ្នែកដែលយើងបានឮពាក្យចចាមអារ៉ាមរបស់ Galaxy S20 មួយចំនួនដូចជា Tidbit ពីប្រទេសចិនដែលបន្ទះឈីបរបស់ក្រុមហ៊ុន Samsung នឹងផ្លាស់ប្តូរទៅបច្ចេកវិទ្យា 5-nanometer នៅក្នុងពេលវេលាសម្រាប់ការចាប់ផ្តើមនៃ S20 ។

មានន័យថា​ម៉េច? ល្បឿនលឿនជាងមុនជាកត្តាយ៉ាងសំខាន់ជាមួយនឹងការប្រើប្រាស់ថាមពលថ្មតិចជាងមុន (បន្ទះសៀគ្វីល្អបំផុតឆ្នាំ ២០១៩ ដំណើរការពីបច្ចេកវិទ្យា 7nm)។ បើនិយាយដល់កាមេរ៉ា យើងដឹងថា Samsung កំពុងផលិតឧបករណ៍ចាប់សញ្ញា 64MP ត្រៀមរួចជាស្រេចសម្រាប់ស្មាតហ្វូននាពេលខាងមុខនេះដែលអាចជួយឱ្យកាមេរ៉ា S20 ស្រូបយកអតិថិជនមកវិញខ្លះ ដែល Samsung បានចាញ់ក្រុមហ៊ុន Huawei និង Google នៅក្នុងផ្នែកកាមេរ៉ា។

តើយើងអាចយកកញ្ចក់បន្ថែមទៀតនៅលើទូរស័ព្ទ Galaxy S20 បានទេ? វាអាចទៅរួចដូចជាលក្ខណៈពិសេសនៃ "ការពង្រីកឲ្យកាន់តែច្បាស់" ទំហំ ១០០ ដងដែលត្រូវបានដាក់បង្ហាញយ៉ាងច្បាស់នៅលើកាមេរ៉ារបស់ S20 Ultra ។ ពាក្យចចាមអារាមថ្មីៗនេះគឺចង្អុលទៅឧបករណ៏កាមេរ៉ាទំហំ ១០៨ មេហ្គាភិចស៊ែល និងវីដេអូទំហំ ៨K សម្រាប់ផ្នែកខាងក្រោយនៃទូរស័ព្ទ Galaxy S20 Ultra ដែលមានន័យថាអ្នកអាចរំពឹងថានឹងថតរូបបានច្បាស់ជាមួយទូរស័ព្ទនេះនៅពេលវាលេចចេញមក។

យើងបានឮសំលេងខ្សឹបខ្សៀវថាទូរស័ព្ទ Galaxy S20 ត្រូវបានកំណត់ឲ្យមានឧបករណ៍វាស់ស្ទង់ចាប់សញ្ញាពិសេសដែលអាចឲ្យទូរស័ព្ទធ្វើការវិភាគគីមីដ៏ឆ្លាតវៃមួយ និងអាចដឹងពីសារធាតុចិញ្ចឹមនៅក្នុងអាហាររហូតដល់សមាសធាតុគីមីផងដែរ។

ចំពោះលក្ខណៈពិសេសផ្សេងទៀតរបស់ Samsung យើងនឹងត្រូវរង់ចាំមើលថាតើវាក្លាយជាការពិតឬយ៉ាងណា៕