ប្រេស៉ីល៖ Lana គឺជាកូនឆ្កែអាយុ ៨ ខែរស់នៅក្នុងជីវិតដ៏អស្ចារ្យជាមួយម្ចាស់របស់នាងគឺ Suelen Schaumloeffel និង គូដណ្តឹងរបស់នាង Suelen ។ ទោះយ៉ាងណាសម្រាប់ Lana គឺជីវិតមិនតែងតែ ល្អឥតខ្ចោះនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមពិតមុនពេលដែលLanaមានផ្ទះ វាគឺជាឆ្កែវង្វេងផ្ទះដែលរត់តាមផ្លូវដែលគ្មានទិសដៅនៅក្នុងប្រទេសប្រេស៊ីល។ សំណាងរបស់កូនឆ្កែ Lana បានជួបជាមួយ Schaumloeffel រើសយកមកចិញ្ចឹម ជួយសង្គ្រោះ Lana ដោយផ្តល់ឱ្យនាងនូវផ្ទះដ៏កក់ក្តៅ អាហារ និង ការថែរក្សាដោយយកចិត្តទុកដាក់លើនាង។
ទោះបីជាLana សព្វថ្ងៃកំពុងតែរស់នៅក្នុងជីវិត ដែលមានក្តីសុខក៏ដោយ នាងមិនដែលភ្លេចពីរបៀបការរស់នៅ ដែលលំបាកនៅតាមផ្លូវនោះទេ។
នៅពេលដែលខែរងារមកដល់ Lana បានចែករំលែកភួយរបស់នាង ទៅមិត្តរបស់នាងដែលនៅក្រៅរបង។ រូបភាពត្រូវបានបង្ហោះ នៅពេលដែលម្ចាស់របស់ Lana ថតបាននៅពេលដែលនាងកំពុងតែចែករំលែកភួយរបស់ នាងនៅក្រៅរបង។
លោក Suelen បានបង្ហោះរូបថតរបស់ Lana ហើយ និងមិត្តរបស់នាង នៅក្នុងសង្គមហ្វេសប៊ុក ហើយវាបានរីករាលដាលយ៉ាងឆាប់រហ័ស។ មនុស្សមានការភ្ញាក់ផ្អើលយ៉ាងខ្លាំងចំពោះទង្វើសប្បុរសធម៌របស់ Lana ដូច្នេះរូបថតត្រូវបានចែករំលែកជាង 27,000 ដងហើយ មានការបញ្ចេញយោបល់រាប់ពាន់៕