កូរ៉េខាងត្បូង៖ ពិធីរៀបអាពាហ៍ពិពាហ៍ពាក់ម៉ាសដ៏ធំមួយ ត្រូវបានធ្វើឡើងនៅព្រះវិហារ Unification Church កាលពីថ្ងៃសុក្រ ក្នុងរដ្ឋធានីសេអ៊ូល ប្រទេសកូរ៉េខាងត្បូង ស្របពេលដែលមានការព្រួយបារម្ភជុំវិញការឆ្លងរាលដាលវីរុសកូរ៉ូណាពីទីក្រុងវូហាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងពិធីរៀបអាពាហ៍ពិពាហ៍ដ៏ធំនោះដែរ គេសង្កតឃើញមានកូនកំលោះកូនក្រមុំប្រមាណជា ៣០០០ គូមកពីប្រទេសជាង ៦០ផ្សេងគ្នានៅលើពិភពលោក លើកលែងតែគូស្វាមីភរិយាមកពីប្រទេសចិនត្រូវបានគេហាមឃាត់។
នៅក្នុងរៀបអាពាហ៍ពិពាហ៍នោះទៀតសោធ គូស្វាមីភិរិយាថ្មីទាំងអស់ដែលបានចូលរួម ត្រូវឆ្លងកាត់ការពិនិត្យសុខភាពរករោគសញ្ញាវីរុសកូរ៉ូណាជាមុនសិន។ ហើយក្នុងនោះដែរ ខាងព្រះ Unification Church បានចែកម៉ាសប្រមាណជា៣ម៉ឺនម៉ាស ប៉ុន្តែមានគូស្វាមីភរិយាខ្លះមិនបានពាក់នោះទេ។
គួរបញ្ជាក់ផងដែរថា ប្រទេសកូរ៉េខាងត្បូងតម្រូវឱ្យធ្វើបែបនេះ បន្ទាប់ប្រទេសនេះបានរកឃើញអ្នកឆ្លងវីរុសកូរ៉ូណាចំនួន ២៤នាក់ ហើយអ្នកឆ្លងចុងក្រោយបង្អស់ត្រូវបានគេរកឃើញថា បានធ្វើដំណើរតាមយន្តហោះពីទីក្រុងវូហាន៕