ឆ្លាតណាស់! ស្វាអូរ៉ង់អូតង់មួយក្បាល ចេះឈោងដៃទៅសង្គ្រោះអ្នកអភិរក្សម្នាក់ ឱ្យចេញពីទឹក!

ឥណ្ឌូនេស៊ី៖ រូបភាពគួឲ្យចាប់អារម្មណ៍ ថតបានដោយអ្នកស្ម័គ្រចិត្តម្នាក់ ខណៈពេលដែលស្វាអូរ៉ង់អូតង់មួយក្បាលកំពុងឈោងដៃទៅសង្គ្រោះមនុស្សចេញពីក្នុងទឹក។

រូបភាពនេះ ត្រូវបានគេថតក្នុងតំបន់ព្រៃអភិរក្សមួយក្នុងក្រុង Borneo ជាកន្លែងដែលសត្វជិតផុតពូជកំពុងជ្រកកោន ដើម្បីការពារខ្លួនពីអ្នកប្រមាញ់។

កំឡុងពេលលោក Anil Prabhakar រួមនឹងមិត្តភក្ដិរបស់លោកម្នាក់កំពុងដើរលំហែកាយនៅឯតំបន់អភិរក្សខាងលើ ក៏បានប្រទះឃើញកម្មករធ្វើការនៅទីនោះម្នាក់ កំពុងចុះក្នុងបឹងមួយដើម្បីសម្អាតសត្វមានពិសទាំងឡាយរួមមានសត្វពស់ ដែលអាចបង្កគ្រោះថ្នាក់ដល់សត្វផ្សេងៗ។ មិនយូរប៉ុន្មានស្រាប់តែ មានស្វាអូរ៉ង់អូតង់មួយក្បាល បានដើរសំដៅចូលទៅជិតបុរសនោះ បន្ទាប់មកបានឈោងដៃរបស់វាម្ខាង ដែលមើលទៅហាក់កំពុងចង់ជួយបុរសរូបនោះចេញពីទឹកអុីចឹង។

យ៉ាងណាមិញ កម្មករខាងលើនេះ មិនបានទទួលតាមសំណើរបស់ស្វាដ៏ឆ្លាតមួយក្បាលនេះទេ ព្រោះលោកយល់ថា វាគ្រាន់តែជាសត្វព្រៃមួយក្បាលប៉ុណ្ណោះ៕

ដើម្បីឲ្យជ្រាបកាន់តែច្បាស់សូមទស្សនារូបភាពខាងក្រោម៖