មន្ទីរពេទ្យគឺជាកន្លែងដែលអ្នកជំងឺត្រូវការ ភាពស្ងប់ស្ងាត់ដើម្បីសម្រាក និង ព្យាបាលរបួស ប៉ុន្តែបើសិនជាមានជ្រូកព្រៃ រត់ចូលមក ហើយថែមទាំងមានស្នូរគ្រាប់កាំភ្លើង ផូងផាំងទៀតនោះគឺ ពិតជាមិនល្អសំរាប់អ្នកជំងឺនោះទេ។ ករណីនេះបានកើតឡើងនៅប្រទេសចិន នាវេលាម៉ោងប្រហែល ១២ ថ្ងៃត្រង់ ជ្រូកព្រៃមួយក្បាលបានបោលចូល ទៅក្នុងមន្ទីរពេទ្យទាំងកំរោល ហើយបានបោលទៅបុកអ្នកជំងឺម្នាក់ អោយខ្ទាតសន្លប់ថែមទៀតផង។ ភ្លាមៗនោះខាងមន្ទីរពេទ្យបាន ទូរស័ព្ទហៅប៉ូលិសអោយមកធ្វើ អន្តរាគមន៍ជាបន្ទាន់ ប្រហែលជា ១០ នាទីក្រោយមក ប៉ូលិសក៏បានមកដល់ ដំបូងពួកគេបានយកឈើទៅវាយ ប៉ុន្តែដូចជាយកពងមាន់ទៅជល់នឹងថ្មអញ្ចឹង វាមិនបានធ្វើអោយ ជ្រូកព្រៃនោះឈឺសូម្បីតែបន្តិចទេ។ បន្ទាប់មកទើបប៉ូលិសសម្រេចចិត្តដកកាំភ្លើងខ្លី មកបាញ់ជាច្រើន គ្រាប់ប៉ុន្តែគ្មានត្រូវមួយគ្រាប់ណាទេ ហើយវា ក៏ចេះតែរត់ទៅរត់មកក្នុងសភាព ភ័យខ្លាច ១ ម៉ោងក្រោយមកទើប វាយវាអោយសន្លប់បាន ហើយប៉ូលិសម្នាក់នោះក៏បានយកកាំភ្លើង មកបាញ់ម្តងទៀតដើម្បី កុំអោយវារើរបំរះតទៅទៀត រួចក៏លើកដាក់ឡានយកទៅបាត់ទៅ។ គួរបញ្ជាក់ផងដែរថា ប្រជាជនមានការ រិះគន់ចំពោះប៉ូលិសមួយរូបនោះយ៉ាងខ្លាំងព្រោះ គាត់បាញ់ជ្រូកព្រៃ ដល់ទៅ ១៣ គ្រាប់ហើយត្រូវបានតែមួយ គ្រាប់ពេលវាសន្លប់តែប៉ុន្នោះ ចុះបើសិនវាជាចោរដែលមានកាំភ្លើង អាចបាញ់តបមកវិញនោះវា ទៅជាយ៉ាងណា? ហើយនេះជាមន្ទីរពេទ្យ គ្រាន់តែរឿងជ្រូកព្រៃមួយក្បាលសោះ ក៏ប្រើប្រាស់កាំភ្លើងដែរ ពួកគេអាចរកវិធីចាប់វាយកទៅ ប្រលែងក្នុងព្រៃដើម្បីរក្សាពូជសត្វក៏បានដែរ មិនគួរធ្វើបែបនេះទេ។
ដោយ ៖ អម្រិត
ខ្មែរឡូត
តើប្រិយមិត្តមានយោបល់យ៉ាងណាដែរចំពោះជ្រូកមួយក្បាលនេះ ?
សូមចុច Add Comment ដើម្បីបញ្ចេញមតិ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
