បរទេស៖ អ្នកទាំងអស់គ្នាច្បាស់ជាស្គាល់ហើយ តារាចម្រៀងវ័យ២៥ឆ្នាំJustin Bieber ដែលចូលប្រឡូកក្នុងវិស័យសិល្បៈតាំងពីតូចក្រូចឆ្មាមក ឆ្លងកាត់ជីវភាពលំបាកតោកយ៉ាក និងធ្លាប់ដើរច្រៀងតាមផ្លូវដើម្បីរកចំណូលមកជួយគ្រួសារផងនោះ ដែលបច្ចុប្បន្នភាពក្លាយជាតារាមួយរូបដែលមានអ្នកគាំទ្រច្រើនបំផុតក្នុងវេបសាយ Youtube។
ប៉ុន្មានម៉ោងមុននេះកំពូលតារាចម្រៀងសញ្ជាតិកាណាដា បានបង្ហោះបទថ្មីក្នុងវេបសាយយូធូបដែលមានចំណងជើងថា « Intentions» ដែលច្រៀងរួមគ្នាជាមួយតារារ៉េប Quavo។ បទថ្មីនេះ ពិតជាទទួលបានការគាំទ្រខ្លាំងមែនទែន ព្រោះបទនេះទើបតែចេញមិនទាន់បានមួយថ្ងៃផង ទទួលបានការទស្សនាជិតមួយលានដងទៅហើយ។
ចាប់តាំងពីតារាប្រុសរូបនេះ ប្រកាសប្រាប់អ្នកគាំទ្រថាខ្លួននឹងប្រឡូកចូលវិស័យសិល្បៈវិញមក សន្ទុះនៃការគាំទ្រតារាប្រុសរូបនេះកើនឡើងគួរឲ្យកត់សម្គាល់។
គួរបញ្ជាក់ «Intention» គឺជាបទទីបួនហើយដែលJustin Bieber ចេញបន្ទាប់ពី «Change» ត្រូវបានបង្ហោះក្នុងវេបសាយ Youtube ៕
ចង់ដឹងទេថាបទថ្មីនេះពិរោះយ៉ាងដូចម្តេចនោះសូមទស្សនាវីដេអូខាងក្រោម៖