ពពោះដល់ថ្ងៃសម្រាលហើយ ស្រីៗគ្នាយើងបើមិនមានសញ្ញាឈឺពោះ ឬបែកទឹកភ្លោះនោះទេ ត្រូវប្រញាប់ទៅជួបគ្រូពេទ្យ ការដែលទុកឲ្យកូនក្នុងផ្ទៃចាស់ខែពេក មិនល្អនោះទេ។ នៅលើផេកផ្លូវការរបស់មន្ទីរពេទ្យកាល់ម៉ែតបញ្ជាក់ថា ស្រ្តីពពោះលើសពី ៤១សប្តាហ៍ឡើងទៅ គេហៅថាមានផ្ទៃពោះលើសខែ ឬកូនចាស់ខែ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកូនលើសខែអាចប្រឈមបញ្ហាជាច្រើនដូចជា៖
– បរិមាណទឹកភ្លោះថយចុះ
– ចង្វាក់បេះដូងទារកមិនប្រក្រតី
– ទារកជុះលាមកក្នុងទឹកភ្លោះ
– ទារកអាចស្លាប់ក្នុងពោះ
– ទារកមានបញ្ហាផ្លូវដង្ហើម
– មានបញ្ហាប្រព័ន្ធប្រសាទ ដូចជា ប្រកាច់ វិបត្តិនៃការលូតលាស់បញ្ញាស្មារតី
– មានជំងឺឆ្កួតជ្រូកតាំងពីក្មេង
– ធំក្បាល
– បាក់ឆ្អឹង។
ដើម្បីបង្ការគ្រោះថ្នាក់ទាំងនោះ ស្ត្រីមានផ្ទៃពោះត្រូវតាមដានផ្ទៃពោះឲ្យបានជាប់លាប់ជាមួយគ្រូពេទ្យជំនាញ ចាប់ពីគភ៌អាយុ ៤១ សប្តាហ៍ ដោយតាមដាន ២-៣ដង/សប្តាហ៍។ ក្នុងនោះគ្រូពេទ្យនឹងតាមដានចលនាបម្រាស់របស់កូនក្នុងពោះ វិភាគចង្វាក់បេះដូងកូន វាស់បរិមាណទឹកភ្លោះជាដើម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet