លោក Li Wenliang វេជ្ជបណ្ឌិតម្នាក់របស់ចិន ដែលបានប្រកាសផ្សព្វផ្សាយប្រាប់សាធារណជនពីការរាតត្បាតនៃមេរោគកូរ៉ូណាប្រភេទថ្មី (2019-nCoV) បានទទួលមរណភាពក្នុងអាយុ៣៤ឆ្នាំ ដោយសារជំងឺខាងលើ។ ក្រោយការបាត់បង់ជីវិតរបស់វេជ្ជបណ្ឌិតរូបនេះ ប្រជាជននៅតែចងចាំដល់ការក្រើនរំឮករបស់លោកកាលពីចុងខែធ្នូ ដោយកាលនោះលោកបាននិយាយថា មនុស្ស៧នាក់ពីផ្សារលក់គ្រឿងសមុទ្រនៅវូហានកំពុងមានជំងឺដ៏កាចសាហាវនេះ ហើយពេលនោះដែរលោកព្យាយាមជួយពួកគេ ហើយក្រោយមកក៏ធ្លាក់ខ្លួនឈឺខ្លួនឯងតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមន្ទីរពេទ្យនាក្រុងវូហាន បានសរសេរនៅលើបណ្តាញសង្គម Weibo ថា លោក Li Wenliang បានស្លាប់នៅម៉ោង ០២:៥៨នាទី ឈានចូលថ្ងៃទី៧ ខែកុម្ភៈ ឆ្នាំ២០២០ ដោយសារមិនអាចតស៊ូជាមួយជំងឺនេះបាន។
រំឮកកាលពីចុងខែធ្នូ លោក Li ធ្លាប់បានអះអាងថា មេរោគផ្លូវដង្ហើមដែលមានលក្ខណៈស្រដៀងSars កំពុងឆក់យកជីវិតលោក។ លោកបានប្រាប់ក្នុង Group WeChat ជាមួយមិត្តភក្តិពេទ្យដទៃទៀតថា អ្នកជំងឺ៧នាក់មកពីផ្សារលក់គ្រឿងសមុទ្រនៅវូហានមានជំងឺប្រភេទនេះ។
ប៉ុន្តែជាការកត់សម្គាល់ ក្រោយមក លោក Li និងអ្នកមួយចំនួនទៀតត្រូវបានសមត្ថកិច្ចចាប់ខ្លួនដោយចោទប្រកាន់ថា លោកបានបង្កើតពាក្យចចាមអារ៉ាមផ្តេសផ្ដាស ដែលធ្វើឲ្យមានភាពចលាចលក្នុងក្រុង។ តែរហូតដល់ថ្ងៃទី១២ ខែមករា លោក Li ត្រូវបានគេបញ្ជូនទៅមន្ទីរពេទ្យ ហើយបានរកឃើញថាក្នុងខ្លួនលោកមានមេរោគកូរ៉ូណាវីរុសនៅថ្ងៃទី០១ ខែកុម្ភៈ។
សូមបញ្ជាក់ថា មន្ត្រីសុខាភិបាលចិន (China's National Health Commission) បានរាយការណ៍បន្ថែមករណីអ្នកស្លាប់៤នាក់ទៀត គិតត្រឹមព្រឹកថ្ងៃទី០៧ ខែកុម្ភៈនេះ ដោយបន្ថែមលើ៥៣៥នាក់។ តួលេខនេះបញ្ជាក់ថាមានអ្នកស្លាប់ចំនួន៥៣៩នាក់ រីឯអ្នកជំងឺកើនឡើងជាង៣១០០០នាក់។
សូមទស្សនាវីដេអូខាងក្រោម៖
Bong I.T