ចិន៖ វីដេអូឃ្លីបខ្លីមួយដែលមានអ្នកចូលទស្សនារហូតដល់ទៅ១៤លានដងក្នុងរយៈពេលត្រឹមតែ២៤ម៉ោង បានបង្ហាញពី ការលាគ្នាចុងក្រោយរវាងគូស្វាមីភរិយាវ័យចំណាស់មួយគូ ក្នុងបន្ទប់សង្គ្រោះបន្ទាន់ នៅមន្ទីរពេទ្យមួយកន្លែងក្នុងទីក្រុង Chengdu។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកតា Zhang វ័យ៨៥ឆ្នាំ និងលោកយាយ Wen វ័យ៨៧ឆ្នាំ ត្រូវបានបញ្ជូនទៅកាន់មន្ទីរពេទ្យមុននិងក្រោយគ្នាមួយថ្ងៃប៉ុណ្ណោះ កាលពីពាក់កណ្ដាលខែមករាកន្លងទៅនេះ។ លោកតា Zhang មានជំងឺមហារីកសួត និងស្ទះផ្លូវដង្ហើមរ៉ាំរ៉ៃ។ ចំណែកឯលោកយាយ Wen មានជំងឺវង្វេង និងពិបាកដកដង្ហើម ដោយត្រូវដាក់ខ្យល់អុកស៊ីសែនជាប់ នៅក្នុងបន្ទប់សង្គ្រោះបន្ទាន់។ ក្រោយពីសម្រាកព្យាបាលនៅក្នុងមន្ទីរពេទ្យមួយរយៈរួចមក ស្ថានភាពលោកយាយ Wen កាន់តែដុនដាបទៅ ទើបលោកតា Zhang សុំកូនៗ ឲ្យជូនគាត់ទៅបន្ទប់ប្រពន្ធដើម្បីលាគ្នាជាលើកចុងក្រោយ។
លោកតា Zhang បាននិយាយទៅកាន់កូនៗថា៖
ក្រោយមក គ្រូពេទ្យក៏បានអនុញ្ញាតឲ្យពួកគាត់ទាំងពីរជួបគ្នា តែលោកយាយបានត្រឹមសម្លឹងមើលមុខលោកតា ដោយមិនអាចនិយាយរួច ព្រោះតែទុយោសុងជាប់ក្នុងបំពង់ក។
លុះមកដល់ថ្ងៃទី៣១ ខែមករា លោកយាយបានទទួលមរណភាព ហើយកូនៗមិនទាន់បានប្រាប់ឲ្យលោកតាដឹងពីរឿងនេះឡើយ៕
សូមទស្សនារូបភាពនិងវីដេអូខាងក្រោម៖