អាមេរិក៖ យោងតាមបញ្ជីប៉ាតង់មួយនៅសហរដ្ឋអាមេរិកបានឲ្យដឹងថា ក្រុមហ៊ុន Apple កំពុងមានគម្រោងសម្រាប់ iPhone ដែលអាចបត់បាន។ ការរចនាដ៏ពិសេសនេះមានបំពាក់នូវបច្ចេកទេសបត់ថ្មី ដើម្បីបង្ការបញ្ហាផ្សេងៗ ដែលធ្លាប់កើតមាននៅលើទូរសព្ទអេក្រង់បត់ជំនាន់មុនៗ។ ហើយសន្ទះគ្របដែលអាចបត់បាន អាចនឹងមិនឃើញមានស្នាមដែលអាក្រក់មើល ដោយសារវារក្សារាងកោងពាក់កណ្ដាល នៅពេលយើងបិទវា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Ben Wood ដែលជាអ្នកវិភាគបាននិយាយថា Apple មានប្រវត្តិក្នុងការវាយតម្លៃបច្ចេកវិទ្យាយូរណាស់មកហើយ និងលោតចូលទីផ្សារ នៅពេលបច្ចកវិទ្យាជាក់លាក់ណាមួយមានវ័យជ្រេបន្តិច ឬអាចប្រើវាតាមរបៀបថ្មីមួយផ្សេងទៀត។ លោកបានបន្តទៀតថា វាអាចមានការងឿងឆ្ងល់តិចតួច ដែលនៅពីក្រោយភាពស្ងប់ស្ងាត់ជាច្រើនឆ្នាំ ក្រុមហ៊ុន Apple ប្រហែលជាកំពុងវាយតម្លៃអេក្រង់បត់ ហើយវាមិនមានអ្វីគួរឲ្យភ្ញាក់ផ្អើលនោះទេ ព្រោះវាកំពុងធ្វើអ្វីដែលប្លែកពីគេ។ គេបានកត់សម្គាល់ថា នៅសំណុំឯកសារប៉ាតង់ចុងក្រោយ កាលពី៥ឆ្នាំមុន Apple មានដាក់បញ្ចូលឧបករណ៍ដែលអាចបត់បាន។
យ៉ាងណាមិញ គុណវិបត្តិសំខាន់ៗជាមួយឧបករណ៍ដែលអាចបត់បាន រួមទាំងអេក្រង់ខូចនិងបញ្ហាជាមួយស្រទាប់ការពារដែលអាចដោះចេញបាន ធ្លាប់បាននាំភាពអាម៉ាស់សម្រាប់ក្រុមហ៊ុន Samsung ដែលឃើញថាការលក់ស្មាតហ្វូនមានធ្លាក់ចុះ និងប្រឈមនឹងការប្រកួតប្រជែងកាន់តែខ្លាំងឡើង ពីគូប្រជែងរួមទាំងក្រុមហ៊ុន Huawei របស់ចិន៕