ម៉ាក់ៗដែលមានកូនតូច ប្រាកដជាចង់ដឹងថា អាយុប៉ុន្មានទើបក្មេងអាចញ៉ាំទឹកដោះគោឆៅ ឬទឹកដោះគោស្រស់បាន? ស្រាយចម្ងល់នេះ លោកវេជ្ជបណ្ឌិត អ៊ុន យូ បម្រើការងារនៅមន្ទីរពេទ្យកុមារជាតិ ថា ក្មេងចាប់ពីអាយុ ២ឆ្នាំឡើងទៅ ទើបអាចឲ្យផឹកទឹកដោះគោឆៅ ឬទឹកដោះគោស្រស់បាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុអីយើងមិនគួរឲ្យកូនតូចអាយុក្រោម២ឆ្នាំ ញ៉ាំទឹកដោះគោឆៅ ឬទឹកដោះគោស្រស់?លោកវេជ្ជបណ្ឌិតជំនាញផ្នែកប្រដាប់រំលាយអាហារ ដែលមានសញ្ញាប័ត្រពីប្រទេសកូរ៉េ និងបារាំងរូបនេះ ពន្យល់ថា ទឹកដោះគោឆៅ ឬទឹកដោះគោស្រស់ មិនមានសារធាតុចិញ្ចឹមគ្រប់គ្រាន់សម្រាប់ការលូតលាស់របស់ក្មេងនោះទេ។ ដើម្បីកូនលូតលាស់បានល្អទាំងផ្នែករាងកាយ និងបញ្ញាស្មារតី ម៉ាក់ៗគួរតែបំបៅដោះកូន ឬឲ្យកូនញ៉ាំម្សៅទឹកដោះគោរូបមន្តសម្រាប់កុមារ។
លោកវេជ្ជបណ្ឌិតបញ្ជាក់ថា រឿងសំខាន់ក្មេងដែលញ៉ាំទឹកដោះគោឆៅ ឬទឹកដោះគោស្រស់ គឺមិនអាចទទួលបានសារធាតុចិញ្ចឹមគ្រប់គ្រាន់ គឺមិនទាក់ទងនឹងក្រពះពោះវៀនក្មេងនៅខ្ចីនោះទេ។
នៅពេលអាយុបាន ២ឆ្នាំ លោកវេជ្ជបណ្ឌិតថា ក្មេងអាចញ៉ាំបាយបាន ដូចមនុស្សធំ ម្លោះហើយគេអាចទទួលបានសារធាតុគ្រប់គ្រាន់ទៅចិញ្ចឹមរាងកាយតាមរយៈអាហារទាំងនោះ ឯការញ៉ាំទឹកដោះគោឆៅ ឬទឹកដោះគោស្រស់ ជាអាហារសម្រន់បន្ថែមប៉ុណ្ណោះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet