ជីវិតមនុស្សដែលកើតមកលើផែនដីនេះ រឿងដែលចៀសមិនផុតនោះគឺ ការជួបបញ្ហា ការឈឺចាប់ និង ការព្រាត់ប្រាស់។ មានមនុស្សជាច្រើនតែង តែរអ៊ូរទាំនៅពេលដែលគេមានបញ្ហា ហើយតែងតែគិតថា មានតែរូបគេម្នាក់គត់ ដែលជួបបញ្ហាធ្ងន់ធ្ងរ ឬ ដោះស្រាយមិនបាន។ ប៉ុន្តែនៅពេលណាមួយដែលគេជួបអ្នកផ្សេងដែលមានបញ្ហាធំជាងខ្លួនរបស់គេ។ បញ្ហាទាំងអស់របស់គេនោះ និងក្លាយជាបញ្ហាដ៏តូច ហើយសាមញ្ញទៅវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបញ្ហាការឈឺចាប់ជាមេរៀនជីវិតដែលគ្មានសាលាមួយណាបើកបង្រៀនទេ ដូច្នេះហើយនៅពេលដែលអ្នកបានជួបរឿងអ្វីក៏ដោយក្នុងជីវិត ទាំងរឿងល្អ ទាំងរឿងមិនល្អ អ្នកត្រូវតែបើកចិត្ត ហើយទទួលយកការពិត និង ព្យាយាមដោះស្រាយវាឲ្យអស់ពីសមត្ថភាពដែលអាចធ្វើទៅបាន ហើយអ្វីដែលនៅសល់បណ្តោយតាមធម្មជាតិជាអ្នកកំណត់ទៅចុះ។
បញ្ហាជារឿងធម្មតារបស់មនុស្ស ព្រោះជារៀងរាល់ថ្ងៃមនុស្សរស់នៅលាយលំជាមួយបញ្ហាក្នុងជីវិត។ គ្រាន់តែបញ្ហារបស់មនុស្សម្នាក់ៗ គឺផ្សេងៗគ្នា ខុសៗគ្នា ដែលស្ថិតលើស្ថានភាពជាក់ស្តែងក្នុងរស់នៅក្នុងសង្គម។ បញ្ហាពិតប្រាកដរបស់មនុស្សនៅត្រង់មិនចេះដោះស្រាយ ដែលទាំងនោះហើយជាបញ្ហាពិតប្រាកដ៕