ឃើញឈ្លោះគ្នាញឹកមែន! តែភ្លឺភ្នែកពេល ម៉ូលីកា ទម្លាយភាពតស៊ូរបស់ស្វាមីគ្មានសល់

ភ្នំពេញ៖ ដូចដែលប្រិយមិត្តបានជ្រាបហើយថា កាលពីប៉ុន្មានថ្ងៃមុន បានផ្ទុះរឿងរ៉ាវដ៏កក្រើកមួយ ទាក់ទងជីវិតស្នេហារបស់ អតីតតារាចម្រៀងស្រី ម៉ូលីកា បានប្រកាសលែងលះគ្នា ជាមួយស្វាមីសង្ហា ធ្វើឲ្យហ្វេនៗឃើញហើយហួសចិត្តគ្រប់គ្នា។

យ៉ាងណាមិញ ក្រោយភ្លៀងមេឃស្រឡះ ទីបំផុត ម៉ូលីកា និងស្វាមី បានផ្សះផ្សា និងត្រូវគ្នាវិញ ថែមទាំងកាន់តែបង្អួតពីភាពផ្អែមល្ហែម លើសពេលមុនទៀត។

ក្នុងនោះដែរ កាលពីប៉ុន្មានម៉ោងមុននេះ ម៉ូលីកា ក៏បានធ្វើឲ្យមហាជនភ្លឺភ្នែក​ តាមរយៈកម្រងរូបភាពជាច្រើនសន្លឹក រវាងនាង និងស្វាមី ពេលដែលស្រលាញ់គ្នាដំបូងៗ ព្រមទាំងបង្ហាញពីសកម្មភាពតស៊ូ ជាមួយគ្នាជាច្រើន ទម្រាំបានជោគជ័យរស់នៅលើគំនរទ្រព្យសម្បត្តិ ដូចសព្វថ្ងៃនេះ មិនមែនជារឿងងាយស្រួលទេ។

ជាមួយគ្នានោះ ម៉ូលីកា ក៏បានបញ្ជាក់ថា កំហុសតូចធំតែងតែមាន សំខាន់រូបនាង និងស្វាមី ពិតជាស្រលាញ់គ្នាខ្លាំងណាស់ ធ្វើឲ្យអ្នកគាំទ្រទាំងអស់រំភើបជំនួសពួកគេ៕

ចង់ជ្រាបច្បាស់ ទស្សនារូបភាពខាងក្រោម៖