អ៉ីរ៉ង់៖ អ្នកវិទ្យាសាស្ត្ររបស់ប្រទេសអ៉ីរ៉ង់បានប្រកាសថា ខ្លួនកំពុងរៀបចំកម្មវិធីបញ្ជូនអវកាសយានិកដោយឯករាជ្យទៅកាន់ទីអវកាស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រដ្ឋមន្រ្តីក្រសួងព័ត៌មាននិងបច្ចេកវិទ្យាគមនាគមន៍លោក Mohammad-Javad Azari Jahromi បាននិយាយថា៖
ក្រុមអ្នកវិទ្យាសាស្ត្រអ៉ីរ៉ង់បានចាប់ផ្តើមបង្កើតយានដើម្បីបញ្ជូនទៅទីអវកាស។ ហើយថ្ងៃនេះយើងបានដឹកនាំមជ្ឈមណ្ឌលស្រាវជ្រាវ ដើម្បីបង្កើតយានអវកាសឱ្យបានចំនួន ៥ សម្រាប់រយៈពេល ៣ ឆ្នាំខាងមុខ ដើម្បីបញ្ជូនមនុស្សឡើងទៅទីអវកាស ហើយក៏គ្រោងនឹងបាញ់បង្ហោះនៅដំណាច់ឆ្នាំប្រតិទិនរបស់អ៊ីរ៉ង់ដែរ គឺត្រូវនឹងថ្ងៃទី ១៩ ខែមិថុនា។
បើគិតមកដល់ពេលនេះ អស់រយៈពេលជាងមួយទស្សវត្សមកហើយ ដែលប្រទេសអ៉ីរ៉ង់បានធ្វើការសាកល្បងបាញ់បង្ហោះផ្កាយរណបជាច្រើនឡើងទៅទីអវកាស។ ស្របពេលជាមួយគ្នានេះដែរ ប្រទេសអ៉ីស្រាអែល និងសហរដ្ឋអាមេរិក ដែលកំពុងឈរជើងនៅមជ្ឈឹមបូព៌ាបានលើកឡើងពីការព្រួយបារម្ភជុំវិញការសាកល្បងទាំងនោះដោយជឿជាក់ថា ប្រទេសអ៉ីរ៉ង់នឹងប្រើប្រាស់ផ្កាយរណបរបស់ខ្លួន ដើម្បីជាជំនួយដល់ការអភិវឌ្ឍមីស៊ីលរយៈចម្ងាយឆ្ងាយ៕
Bong I.T