បារាំង៖ ក្រុមយក្សបារាំង Paris Saint-Germain បានប្រកួតឈ្នះក្រុម Montpellier ៥-០ កាលពីថ្ងៃសៅរ៍កន្លងទៅ។ អ្វីដែលគួរឲ្យកត់សម្គាល់ក្នុងការប្រកួតនោះគឺ នៅនាទីទី៦៩ ខ្សែប្រយុទ្ធឆ្នើម Kylian Mbappe ត្រូវបានគ្រូបង្វឹកលោក Thomas Tuchel ប្ដូរចេញ ជំនួសមកវិញដោយកីឡាករ Mauro Icardi។ កំឡុងពេលដើរចេញពីទីលាន Mbappe ហាក់បង្ហាញអារម្មណ៍ខឹងមិនពេញចិត្ត ពីការសម្រេចចិត្តរបស់គ្រូបង្វឹក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបកស្រាយជុំវិញរឿងខាងលើ លោក Tuchel បាននិយាយថាលោកសម្រេចចិត្តប្ដូរ Mbappe ដោយសារតែលោក ចង់ផ្ដល់ឱកាសឲ្យកីឡាករបម្រុងបានចូលលេងខ្លះ។
អ្នកចាត់ការទូទៅសញ្ជាតិអាល្លឺម៉ង់ បាននិយាយរៀបរាប់យ៉ាងដូច្នេះថា៖
មិនមានបញ្ហាផ្ទាល់ខ្លួនអី រវាង Mbappe និងខ្ញុំនោះទេ។ ខ្ញុំដឹងថាគាត់មិនចង់ប្ដូរចេញ។ ប៉ុន្តែគិតទៅវាគ្រាន់ជារឿងធម្មតាប៉ុណ្ណោះ ណាមួយខ្ញុំគ្រាន់តែចង់ផ្ដល់ឱកាសឲ្យកីឡាករដែលអង្គុយកៅអីបម្រុងមានពេលវេលាចូលលេងខ្លះ។
លោក Tuchel បានបន្ថែមទៀតថា៖
ខ្ញុំមិនគិតថាអ្វីដែលបានកើតឡើងនៅថ្ងៃសៅរ៍នោះ ធ្វើឲ្យ Mbappe ចាកចេញពីក្លិបនោះទេ។ គាត់ជាកីឡាកររបស់ពួកយើង ហើយគាត់ថែមទាំងជាប់កុងត្រានៅទីនេះទៀតផង៕
គួរឲ្យដឹងដែរថា គិតមកទល់ពេលនេះ ក្រុម PSG កំពុងឈរកំពូលតារាងក្របខណ្ឌ Ligue 1 ពោល២២ប្រកួតកន្លងទៅពួកគេរកបាន៥៥ពិន្ទុ ដាច់ពិន្ទុក្រុមលេខ២ Marseille រហូតដល់ទៅ១២ពិន្ទុ។
ប្រភព៖ AF
Bong I.T