ពីក្រុងសេអ៊ូល ប្រទេសកូរ៉េខាងត្បូង បន្ទាប់ពីកិច្ចប្រជុំកំពូលពិភពលោកឆ្នាំ២០២០នៅថ្ងៃទី៤ មករានេះ សម្តេចនាយករដ្ឋមន្ត្រីហ៊ុន សែនបានសរសេរនៅលើទំព័រហ្វេសប៊ុកផ្លូវការថា៖« នៅថ្ងៃស្អែកទី ៥ កុម្ភៈ សម្តេចបានរាយការណ៍ជូនថ្នាក់ដឹកនាំចិនរួចហើយថា សម្តេចនឹងអញ្ជើញទៅសួរសុខទុក្ខនិស្សិតកម្ពុជា ដែលកំពុងសិក្សានៅទីក្រុងវូហាន ដើម្បីបង្ហាញពីភាពកក់ក្តៅ និងដើម្បីកុំឱ្យនិស្សិតខ្មែរនៅទីក្រុងវូហានមានការភ័យខ្លាច ចំពោះការឆ្លងឬការកើតរីករាលដាល នៃជំងឺប្រភេទថ្មីកូរ៉ូណាវីរ៉ុស»។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងជំនួបជាមួយលោកស្រី ហាក់ ចាហានមូន ស្ថាបនិកអង្គការសហព័ន្ធសន្តិភាពសកល សម្តេចនាយករដ្ឋមន្ត្រីបាននិយាយថា បញ្ហាបម្រែបម្រួលអាកាសធាតុ និងការវិវត្តន៍ថ្មីៗ ដែលផ្ទុះឡើងនៃជំងឺប្រភេទថ្មីនៅទីក្រុងវូហាន នាប្រទេសចិន ជាកង្វល់របស់ពិភពលោក។
«បញ្ហានៃការបម្រែបម្រួលអាកាសធាតុ និងការផ្ទុះឡើងនៃជំងឺប្រភេទថ្មី កូរ៉ណាវីរុស គឺមិនមែនតែជាកង្វល់របស់ប្រទេសចិននោះទេ គឺជាកង្វល់របស់យើងទាំងអស់គ្នា ពោលគឺយើងត្រូវរួមគ្នារិះរកវិធីសាស្ត្រក្នុងការដោះស្រាយ និងមិនត្រូវបង្កនូវការភ័យខ្លាចសម្រាប់មនុស្សជាតិនោះទេ»។ នេះជាការបញ្ជាក់ពីទំព័រហ្វេសប៊ុកផ្លូវការរបស់សម្តេចនាយករដ្ឋមន្ត្រី។
គួរបញ្ជាក់ថា គិតត្រឹមរសៀលថ្ងៃទី៤ កុម្ភៈនេះ មានអ្នកស្លាប់ចំនួន៤២៧ នាក់ក្នុងនោះចិន ៤២៦នាក់ ហុងកុងម្នាក់ និងម្នាក់ទៀតនៅហ្វីលីពីន ខណៈមានអ្នកជំងឺជាង២ម៉ឺននាក់ទៀតកំពុងបន្តព្យាបាលកូរ៉ូណាវីរុសនេះ៕