ភ្នំពេញ៖ ពិតណាស់ វិស័យចម្រៀងនៅកម្ពុជាបច្ចុប្បន្នគឺកំពុងរីកចម្រើនឡើងៗ ពីមួយថ្ងៃទៅមួយថ្ងៃ នោះដោយសារតែ ក្នុងវិស័យមួយនេះសម្បូរទៅដោយអ្នកដែលមាននូវសមត្ថភាពពិតប្រាកដ និងប្លែកៗពីគ្នា ដូច្នេះហើយទើបធ្វើឲ្យវិស័យមួយនេះអាចដំណើរការទៅបានយ៉ាងល្អ។ ក្នុងនោះ គេសង្កេតឃើញថា តាមបណ្ដាផលិតកម្មនានាសុទ្ធតែមានអ្នកនិពន្ធ តាក់តែងបទឲ្យតារាចម្រៀងច្រៀង ដែលមានការគាំទ្រច្រើនពីទស្សនិកជន តាមរយៈបទចម្រៀងពិរោះៗ ល្បីៗ ហើយភាគច្រើនគេសរសើរ និងស្គាល់ត្រឹមតែតារាចម្រៀងប៉ុណ្ណោះ តែទស្សនិកជនមួយចំនួនមិនដែលបានស្គាល់អំពីអ្នកនិពន្ធបទចម្រៀងនោះឡើយ។ ដើម្បីស្រាយចម្ងល់ តោះទៅស្គាល់អ្នកដែលនៅពីក្រោយបទចម្រៀងជាច្រើនដែលសុទ្ធតែផ្ទុះខ្លាំង និងទទួលបានការគាំទ្រច្រើនពីទស្សនិកជន ទាំងអស់គ្នា!!!
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១.សុខ ចាន់ផល
ជាកវីនិពន្ធរឿងប្រលោមលោក និងបទចម្រៀងល្បីៗដូចជា “ រស់ជាខ្លួនឯង ពេលបងចាស់ទៅ ទ្រាំៗទៅធ្វើម៉េចយើងស្រលាញ់គេ និងបទជាច្រើនក្នុងផលិតកម្មរស្មីហង្សមាស។
២.យឹម តាស្រង់
ជាអ្នកនិពន្នជើងចាស់មួយរូបក្នុងផលិតកម្មថោន និងទទួលបានការគាំទ្រតាមរយៈបទចម្រៀងជាច្រើនដូចជាបទ “ ឲ្យប្រពន្ធស៊ីសៀងឲ្យនាងស៊ីស៊ុប មួយណាក៏ដូចមួយណា ខ្ញុំក្លាយជាអ្នកជម្ងឺស្នេហា និងបទជាច្រើនទៀត។
៣.ណុប អុីនុ
ជាអ្នកនិពន្ធរបស់ផលិតកម្មរស្មីហង្សមាសដែលមានបទល្បីៗជាច្រើន ដូចជា គេមិនបានស្រលាញ់យើងទេ ត្រូវការកម្លាំងចិត្ត អាណិតខ្លួនឯង ស្រលាញ់អ្នកណាក៏គេមានសង្សារ និងបទជាច្រើនទៀត។
៤.នីសុគន្ធា
ជាអ្នកនិពន្ធរបស់ផលិតកម្មរស្មីហង្សមាសដែលមានបទល្បីៗជាច្រើន ដូចជា បើស្រលាញ់ម្ដេចទុកអូនចោល អាណិតបេះដូង កាត់ចិត្តបែបណា ហត់ទេស្រលាញ់គេម្នាក់ឯង និងបទជាច្រើនទៀត។
៥.ស៊ិន ធារី
ជាអ្នកនិពន្ធដែលមានបទជាច្រើនដែលល្បីដូចជា៖ “ នឹកខ្លួនឯង” “ លើសពីហ្វេនបានអត់” “ ថ្ងៃឯកា” សុំទោសដែលឲ្យយល់ច្រឡំ និងបទជាច្រើនទៀត។
៦.ហ៊ាង ម៉េងហ៊ួ
ជាអ្នកនិពន្ធក្នុងផលិតកម្មសាន់ដេ ដែលមានបទជាច្រើនដែលល្បីដូចជា៖ ពិបាកចិត្តគ្មានអ្នកលួង សុំទោសប៊ិច សុំទោសសៀវភៅ ក្មេងស្ទាវដែលអូនស្អប់ និងបទជាច្រើនទៀតរបស់នាយចឺម។